ಯಾದಗಿರಿ: ವೈದ್ಯಕೀಯ ಕಾಲೇಜಿಗಾಗಿ ಸ್ವಯಂ ಪ್ರೇರಿತ ಬಂದ್

ಯಾದಗಿರಿ: ಜಿಲ್ಲೆಗೆ ವೈದ್ಯಕೀಯ ಕಾಲೇಜಿಗಾಗಿ ಆಗ್ರಹಿಸಿ ಬುಧವಾರ ಯಾದಗಿರಿ ನಗರ ಬಂದ್ ಆಚರಿಸುತ್ತಿದ್ದು, ಕೆಲ ಅಂಗಡಿ ಮುಂಗಟ್ಟುಗಳು ಸ್ವಯಂ ಪ್ರೇರಿತವಾಗಿ ಮುಚ್ಚಲಾಗಿದೆ.

ಗಂಜ್, ಚಕರಕಟ್ಟಾ, ಗಾಂಧಿ ವೃತ್ತ, ಶುಭಾಷ ವೃತ್ತ, ಶಾಸ್ತ್ರೀ ವೃತ್ತದ ಬಳಿ ಸ್ವಯಂ ಪ್ರೇರಿತವಾಗಿ ಅಂಗಡಿ ಮುಂಗಟ್ಟುಗಳು ಬಂದ್ ಆಗಿವೆ.

11 ಗಂಟೆ ನಂತರ ನಗರದ ಮೈಲಾಪುರ ಬೇಸ್‌ನಿಂದ ಪ್ರತಿಭಟನೆ ಆರಂಭವಾಗಲಿದೆ. ನಂತರ ಅಲ್ಲಿಂದ ನಗರಸಭೆಗೆ ತೆರಳಿ ಜಿಲ್ಲಾಧಿಕಾರಿಯನ್ನು ಅಲ್ಲಿಗೆ ಕರೆಯಿಸಿ ಮನವಿ ಸಲ್ಲಿಸಲಾಗುತ್ತದೆ.