ಬಾಲಿವುಡ್‌ ನಟ ಬಿಕ್ರಮ್ಜೀತ್ ಕನ್ವರ್‌ಪಾಲ್ ಕೋವಿಡ್‌ನಿಂದ ನಿಧನ
Published 1 ಮೇ 2021, 12:54 IST
ಬಿಕ್ರಮ್ಜೀತ್ ಕನ್ವರ್‌ಪಾಲ್
ಮುಂಬೈ: ಹಿಂದಿ ಚಿತ್ರರಂಗದ ನಟ ಮೇಜರ್ ಬಿಕ್ರಮ್ಜೀತ್ ಕನ್ವರ್‌ಪಾಲ್ (52) ಅವರು ಕೋವಿಡ್‌ನಿಂದಾಗಿ ನಿಧನರಾದರು. ಕೋವಿಡ್‌ನಿಂದ ಬಳಲುತ್ತಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಉಸಿರಾಟದ ಸಮಸ್ಯೆ ತೀವ್ರಗೊಂಡಿತ್ತು. ಚಿಕಿತ್ಸೆಗೆ ಸ್ಪಂದಿಸದೆ ಅವರು ಮೃತಪಟ್ಟರು.
‘ಪೇಜ್ 3’, ‘ರಾಕೆಟ್‌ಸಿಂಗ್‌’, ‘ಆರಕ್ಷಕನ್’, ‘ಮರ್ಡರ್‌–2’, ‘2 ಸ್ಟೇಟ್ಸ್’, ‘ಘಾಜಿ ಅಟ್ಯಾಕ್’, ‘ರಹಸ್ಯ್’ ಸೇರಿ ಸಾಕಷ್ಟು ಚಿತ್ರಗಳಲ್ಲಿ ಅವರು ನಟಿಸಿದ್ದಾರೆ. ಇತ್ತೀಚೆಗೆ ಡಿಸ್ನಿ ಹಾಟ್‌ಸ್ಟಾರ್‌ನ ವೆಬ್‌ಸಿರೀಸ್‌ನಲ್ಲಿ ನಟಿಸಿದ್ದರು. ಕಿರುತೆರೆ ಸರಣಿಗಳ ಪೋಷಕ ಪಾತ್ರಗಳಲ್ಲಿ ಅವರು ಕಾಣಿಸಿಕೊಂಡಿದ್ದರು.
ಸೇನೆಯಲ್ಲಿ ಸೇವೆ ಸಲ್ಲಿಸಿದ್ದ ಬಿಕ್ರಮ್ಜೀತ್ 2003ರಲ್ಲಿ ಚಿತ್ರರಂಗಕ್ಕೆ ಕಾಲಿಟ್ಟರು. ಬಿಕ್ರಮ್‌ ಜೀತ್‌ ನಿಧನಕ್ಕೆ ಬಾಲಿವುಡ್‌ ಕಂಬನಿ ಮಿಡಿದಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.