ಕೊಲೆ ಯತ್ನ ಆರೋಪ: ಮಲಯಾಳಿ ನಟ ವಿನೀತ್‌ ಬಂಧನ

ತ್ರಿಶ್ಶೂರ್‌, ಕೇರಳ: ವ್ಯಕ್ತಿಯೊಬ್ಬರ ಮೇಲೆ ಹಲ್ಲೆ ನಡೆಸಿದ ಆರೋಪದಡಿ ಮಲಯಾಳಿ ನಟ ವಿನೀತ್‌ ಥಾಟಿಲ್‌ ಅವರನ್ನು ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.

‘ಅಲ‍‍‍ಪ್ಪುಳ ನಿವಾಸಿಯಾಗಿರುವ ಅಲೆಕ್ಸ್‌ ಎಂಬುವರ ಮೇಲೆ ಜುಲೈ 24ರಂದು ವಿನೀತ್‌ ಹಲ್ಲೆ ನಡೆಸಿದ್ದರು. ಗಂಭೀರವಾಗಿ ಗಾಯಗೊಂಡಿದ್ದ ಅಲೆಕ್ಸ್‌, ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಸೋಮವಾರ ಅವರು ಈ ಸಂಬಂಧ ದೂರು ನೀಡಿದ್ದರು. ಇದರ ಆಧಾರದಲ್ಲಿ ವಿನೀತ್ ವಿರುದ್ಧ ಕೊಲೆ ಯತ್ನ ಆರೋಪದಡಿ ಪ್ರಕರಣ ದಾಖಲಿಸಿ ಬಂಧಿಸಲಾಗಿದೆ’ ಎಂದು ಪೊಲೀಸ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.