ಬಂದ ಭಜರಂಗಿ 2: ಕಮಾಲ್ ಮಾಡಲಿದ್ದಾರೆಯೇ ಶಿವಣ್ಣ?

ವೈದ್ಯೋ ನಾರಾಯಣೋ ಹರಿಃ ಎಂಬ ಪರಿಕಲ್ಪನೆಯಿಟ್ಟುಕೊಂಡುಅ. 29ರಂದು ತೆರೆಗೆ ಬಂದಿದೆ ‘ಭಜರಂಗಿ 2’. ನಟ ಶಿವರಾಜ್‌ ಕುಮಾರ್‌ – ಭಾವನಾ ಮೆನನ್‌ ಅಭಿನಯದಲ್ಲಿ ಮೂಡಿಬಂದ ಚಿತ್ರವಿದು. ಹಳೆ ಕಾಲದ ಫ್ಯಾಂಟಸಿ ಕಥೆ, ಆಧುನಿಕ ಕಾಲದ ಸನ್ನಿವೇಶ ಎಲ್ಲದರ ಸಮ್ಮಿಶ್ರಣ ಚಿತ್ರದಲ್ಲಿದೆ ಎಂದಿದೆ ಚಿತ್ರತಂಡ.

ನಟಿ ಶ್ರುತಿ ರಗಡ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಜಯಣ್ಣ ಕಂಬೈನ್ಸ್ ಲಾಂಛನದಲ್ಲಿ ಜಯಣ್ಣ ಹಾಗೂ ಭೋಗೇಂದ್ರ ನಿರ್ಮಿಸಿರುವ ಈ ಚಿತ್ರವನ್ನು ಎ.ಹರ್ಷ ನಿರ್ದೇಶಿಸಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ನಿರ್ದೇಶನ, ಸ್ವಾಮಿ ಜೆ. ಗೌಡ ಛಾಯಾಗ್ರಹಣ, ದೀಪು ಎಸ್‌.ಕುಮಾರ್ ಸಂಕಲನ, ರವಿವರ್ಮ, ವಿಕ್ರಂ ಸಾಹಸ ನಿರ್ದೇಶನ, ರವಿ ಸಂತೆಹಕ್ಲು ಕಲಾ ನಿರ್ದೇಶನ ಹಾಗೂ ಯೋಗಿ ಜಿ. ರಾಜ್ ಅವರ ಕಲಾ ನಿರ್ದೇಶನವಿರುವ ಈ ಚಿತ್ರಕ್ಕೆ ರಘು ನಿಡವಳ್ಳಿ ಸಂಭಾಷಣೆ ಬರೆದಿದ್ದಾರೆ.

ಕುರಿ ಪ್ರತಾಪ್, ಶಿವರಾಜ್ ಕೆ.ಆರ್.ಪೇಟೆ, ಭಜರಂಗಿ ಲೋಕಿ (ಸೌರವ್‌ ಲೋಕೇಶ್‌), ಚೆಲುವರಾಜು, ಶಿವಮಣಿ, ಬಾಬು ಹಿರಣ್ಣಯ್ಯ, ವಿಜಯಲಕ್ಷ್ಮಿ ಪಂಡಿತ್, ಪ್ರಸನ್ನ, ಗಿರೀಶ್, ಎಂ.ಕೆ. ಮಠ ತಾರಾಬಳಗದಲ್ಲಿದ್ದಾರೆ.