ಬಾಲಿವುಡ್‌ ನಿರ್ಮಾಪಕ ಕರೀಂ ಮೊರಾನಿಗೆ ಕೊರೊನಾ ವೈರಸ್‌ ಸೋಂಕು

ಮುಂಬೈ: ಬಾಲಿವುಡ್ ನಿರ್ಮಾಪಕ ಕರೀಂ ಮೊರಾನಿ ಅವರಿಗೆ ಕೊರೊನಾ ವೈರಸ್‌ಸೋಂಕು ಇರುವುದು ಬುಧವಾರ ದೃಢಪಟ್ಟಿದೆ.

‘ಕರೀಂ ಅವರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಅವರ ಪತ್ನಿ ಮತ್ತು ಇತರ ಸಿಬ್ಬಂದಿಯ ಪರೀಕ್ಷೆ ನಡೆಸಿದ್ದು, ಸೋಂಕು ತಗುಲಿಲ್ಲ’ ಎಂದು ಕರೀಂ ಸಹೋದರ ಮೊಹಮ್ಮದ್ ಮೊರಾನಿ’ ತಿಳಿಸಿದ್ದಾರೆ.

ಕರೀಂ ಮೊರಾನಿ ಅವರ ಇಬ್ಬರು ಪುತ್ರಿಯರಿಗೆ ಕೊರೊನಾ ಸೋಂಕು ಇರುವುದು ಈಗಾಗಲೇ ದೃಢಪಟ್ಟಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ.ಇವರ ಕುಟುಂಬ ಸದಸ್ಯರು ಮತ್ತು ಕೆಲಸದವರನ್ನು ಕ್ವಾರಂಟೈನ್‌ ಮಾಡಲಾಗಿದೆ.