ಚಿರು ಅವರ ಪ್ರೀತಿಯ ನಾಯಿಯ ಹೆಸರು 'ರೌಡಿ'
ನಟ ಚಿರಂಜೀವಿ ಸರ್ಜಾ ಅವರಿಗೆ ನಾಯಿಗಳೆಂದರೆ ತುಂಬಾ ಪ್ರೀತಿ. ದೇಸಿ ಹಾಗೂ ವಿದೇಶಿ ತಳಿಗಳ ನಾಯಿಗಳನ್ನು ಸಾಕುವುದರಲ್ಲಿ ಅವರಿಗೆ ಹೆಚ್ಚಿನ ಆಸಕ್ತಿ ಇತ್ತು. ಅವರ ಮೆಚ್ಚಿನ ನಾಯಿಗೆ 'ಭೀಮ' ಎಂದು ಹೆಸರಿಟ್ಟಿದ್ದರು. ಅದು ಇತ್ತೀಚೆಗೆ ಮೃತಪಟ್ಟಿತ್ತು. ಆಗ ಚಿರು ದುಃಖದಲ್ಲಿ ಮುಳುಗಿದ್ದರು.
ಇತ್ತೀಚೆಗೆ ಮತ್ತೊಂದು ನಾಯಿಯನ್ನು ತಂದು ಸಾಕಿದ್ದರು. ಅದಕ್ಕೆ ಅವರು ಇಟ್ಟಿರುವ ಹೆಸರು 'ರೌಡಿ'.
ಸ್ವಂತ ಮನೆ ಕಟ್ಟಿಸುವ ಕನಸು ಕಂಡಿದ್ದರು ಚಿರು. ಇದಕ್ಕಾಗಿ ಅವರು ಇತ್ತೀಚೆಗೆ ನಾಗರಭಾವಿಯಲ್ಲಿ ನಿವೇಶನ ಕೂಡ ಖರೀದಿಸಿದ್ದರಂತೆ.
ಅವರಿಗೆ ಕಳೆದ ಹನ್ನೊಂದು ವರ್ಷಗಳಿಂದ ಕಾರು ಚಾಲಕನಾಗಿ ಕೆಲಸ ಮಾಡುತ್ತಿದ್ದ ರಾಜು ಅವರು ಚಿರಂಜೀವಿ ಸರ್ಜಾ ಅವರನ್ನು ನೆನಪಿಸಿಕೊಳ್ಳುವುದು ಹೀಗೆ: 'ಅವರು ನಮ್ಮಿಂದ ದೂರವಾಗಿದ್ದಾರೆ ಎಂದು ಕಲ್ಪಿಸಿಕೊಳ್ಳಲು ಆಗುತ್ತಿಲ್ಲ. ಪ್ರತಿದಿನ ಅವರು ಮನೆಯಲ್ಲಿ ಊಟ ಮಾಡಲು ಹಿತ್ತಾಳೆ ತಟ್ಟೆ ಮತ್ತು ಲೋಟವನ್ನು ಬಳಸುತ್ತಿದ್ದರು. ಸಿನಿಮಾ ಶೂಟಿಂಗ್ ಸೆಟ್‌ ನಲ್ಲಿಯೂ ಹಿತ್ತಾಳೆ ತಟ್ಟೆ ಮತ್ತು ಲೋಟವನ್ನು ಬಳಸುತ್ತಿದ್ದರು'.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.