ದರ್ಶನ್ ನಟನೆಯ 'ಮೆಜೆಸ್ಟಿಕ್'ಗೆ 20 ವರ್ಷ: ಫೆ.16ಕ್ಕೆ ಪುನಃ ತೆರೆಗೆ
Published 8 ಫೆಬ್ರುವರಿ 2022, 11:10 IST
ಮೆಜೆಸ್ಟಿಕ್ ಪೋಸ್ಟರ್‌
ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್ ಅವರು ನಾಯಕನಾಗಿ ನಟಿಸಿದ ಮೊದಲ ಸಿನಿಮಾ ‘ಮೆಜೆಸ್ಟಿಕ್’ ತೆರೆಕಂಡು ಮಂಗಳವಾರಕ್ಕೆ(ಫೆ.8) 20 ವರ್ಷ ಕಳೆದಿದ್ದು, ಫೆ.16ರಂದು ಸಿನಿಮಾವನ್ನು ರಿರಿಲೀಸ್‌ ಮಾಡಲು ನಿರ್ಮಾಪಕ ಎಂ.ಜಿ.ರಾಮಮೂರ್ತಿ ನಿರ್ಧರಿಸಿದ್ದಾರೆ.
‘ಈ ಚಿತ್ರ ಬಿಡುಗಡೆಯಾಗಿ ಇಪ್ಪತ್ತು ವರ್ಷ ಕಳೆದಿದೆ. ಇದೇ ಹದಿನಾರರಂದು ದರ್ಶನ್ ಅವರ ಜನ್ಮದಿನವಿದೆ. ಈ ಸಂದರ್ಭದಲ್ಲಿ ಹೊಸ ತಂತ್ರಜ್ಞಾನದೊಂದಿಗೆ ‘ಮೆಜೆಸ್ಟಿಕ್’ ಚಿತ್ರ ಮರು ಬಿಡುಗಡೆಯಾಗಲಿದೆ’ ಎಂದಿದ್ದಾರೆ ರಾಮಮೂರ್ತಿ.
ದರ್ಶನ್ ಅವರ ಅದೃಷ್ಟ ಬದಲಾಯಿಸಿದ್ದ ಸಿನಿಮಾ ‘ಮೆಜೆಸ್ಟಿಕ್’, ಪಿ.ಎನ್. ಸತ್ಯ ನಿರ್ದೇಶನದಲ್ಲಿ ಮೂಡಿಬಂದಿತ್ತು. ದರ್ಶನ್, ನಾಯಕನಾಗಿ ಅಭಿನಯಿಸಿದ ಮೊದಲ ಚಿತ್ರವೇ ಶತದಿನೋತ್ಸವ ಆಚರಿಸಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.