‘ಈಗ’ ಸಿನಿಮಾಕ್ಕೆ 7ರ ಸಂಭ್ರಮ

ಸ್ಯಾಂಡಲ್‌ವುಡ್‌ ನಟ ಸುದೀಪ್‌, ಟಾಲಿವುಡ್‌ನ ಸಮಂತಾ ಹಾಗೂ ನಾನಿಗೆ ದೊಡ್ಡ ಹೆಸರು ತಂದುಕೊಟ್ಟ ‘ಈಗ’ ಸಿನಿಮಾಕ್ಕೆ ಈಗ ಏಳರ ಸಂಭ್ರಮ.

ಛಾಯಾಗ್ರಾಹಕ ಕೆ.ಕೆ.ಸೆಂಥಿಲ್‌ ಕುಮಾರ್‌ ಕೂಡ ಈ ಸಿನಿಮಾದ ಬಳಿಕ ‘ಸ್ಟಾರ್‌’ ಆಗಿ ಹೊರಹೊಮ್ಮಿದ್ದರು. ಟ್ವಿಟರ್‌ನಲ್ಲಿ ತಮ್ಮ ಖುಷಿಯನ್ನು ಹಂಚಿಕೊಂಡಿರುವ ಅವರು ‘ಈಗ ಸಿನಿಮಾ ಬಿಡುಗಡೆಯಾಗಿ ಏಳು ವರ್ಷವಾಗಿದೆ. ಇದರ ಭಾಗವಾಗಿರುವ ಖುಷಿ ನನಗೆ ಎಂದೆಂದಿಗೂ ಇರುತ್ತದೆ. ನನ್ನ ವೃತ್ತಿಜೀವನದ ಚಾಲೆಂಜಿಂಗ್ ಸಿನಿಮಾ ಇದಾಗಿತ್ತು’ ಎಂದು ಬರೆದುಕೊಂಡಿದ್ದಾರೆ.

2012ರ ಜುಲೈ 6ರಂದು ಸಿನಿಮಾ ಬಿಡುಗಡೆಯಾಗಿತ್ತು. ರಾಜಮೌಳಿ ನಿರ್ದೇಶನದ ಈ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಹಿಟ್ ಆಗುವ ಮೂಲಕ ₹130 ಕೋಟಿ ಗಳಿಸಿತ್ತು.