ವಂಚನೆ ಪ್ರಕರಣ: ವಿಚಾರಣೆಗೆ ಹಾಜರಾದ ಜಾಕ್ವೆಲಿನ್‌

ನವದೆಹಲಿ: ಸುಕೇಶ್ ಚಂದ್ರಶೇಖರ್‌ ಅವರ ವಂಚನೆ ಪ್ರಕರಣ ಸಂಬಂಧ ಬಾಲಿವುಡ್‌ ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಅವರು ಆರ್ಥಿಕ ಅಪರಾಧ ವಿಭಾಗದ ಮುಂದೆ ಎರಡನೇ ಬಾರಿಯ ವಿಚಾರಣೆಗೆ ಸೋಮವಾರ ಹಾಜರಾದರು.

ಕಳೆದ ಬುಧವಾರ ಪಿಂಕಿ ಇರಾನಿ ಅವರೊಂದಿಗೆ ಜಾಕ್ವೆಲಿನ್‌ ಅವರು ವಿಚಾರಣೆಗೆ ಹಾಜರಾಗಿದ್ದರು. ಸುಮಾರು ಎಂಟು ಗಂಟೆಗಳ ಕಾಲ ವಿಚಾರಣೆ ನಡೆದಿತ್ತು. ಪಿಂಕಿ ಅವರು ಜಾಕ್ವೆಲಿನ್‌ ಅವರನ್ನು ಚಂದ್ರಶೇಖರ್‌ ಅವರಿಗೆ ಪರಿಚಯ ಮಾಡಿಸಿದ್ದರು.