‘ಜೀವ್ನಾನೇ ನಾಟ್ಕ ಸಾಮಿ’ ಹಾಡು ಬಿಡುಗಡೆ ಅ.30 ರಂದು

‘ಜೀವ್ನಾನೇ ನಾಟ್ಕ ಸಾಮಿ’ ಚಿತ್ರದ ಇನ್ನೊಂದು ಹಾಡು ಅ. 30ರಂದು ಆನಂದ್‌ ಆಡಿಯೋದ ಯೂಟ್ಯೂಬ್ ‌ಚಾನೆಲ್‌ನಲ್ಲಿ ಬಿಡುಗಡೆಗೊಳ್ಳಲಿದೆ. ಮೊದಲ ಹಾಡನ್ನು ಮಾರ್ಚ್‌ನಲ್ಲಿ ಡಾಲಿ ಧನಂಜಯ ಅವರು ಬಿಡುಗಡೆ ಮಾಡಿದ್ದರು.

ಈ ಹಾಡನ್ನು ನಟ ವಿಜಯ ರಾಘವೇಂದ್ರ ಬಿಡುಗಡೆ ಮಾಡಲಿದ್ದಾರೆ.ಕಿರಣ್ ರಾಜ್, ಶ್ರೀಹರ್ಷ, ಪವಿತ್ರಾ ಕೋಟ್ಯಾನ್ ಮತ್ತು ಅನಿಕಾ ರಮ್ಯ ತಾರಾಗಣದಲ್ಲಿದ್ದಾರೆ.ರಾಜು ಭಂಡಾರಿ ರಾಜಾವರ್ತ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಆರ್ಯ ಎಂಟರ್ಟೈನ್ಮೆಂಟ್ ಲಾಂಛನದಲ್ಲಿ ಲಲಿತಾ ರಾಜಶೇಖರ್ ಶಿರಹಟ್ಟಿ ಅವರು ಚಿತ್ರ ನಿರ್ಮಿಸುತ್ತಿದ್ದಾರೆ.

ಈ ಹಾಡಿಗೆ ಅತಿಶಯ ಜೈನ್ ರಾಗಸಂಯೋಜನೆ ಮಾಡಿದ್ದಾರೆ. ಶ್ರೀಹರ್ಷ ಅವರೇ ಹಾಡಿದ್ದಾರೆ.

ಯಥಾ ದೃಷ್ಟಿ ತಥಾ ಸೃಷ್ಟಿ ಎಂಬ ಭಗವದ್ಗೀತೆಯ ಸೂಕ್ತಿಯ ಹಿನ್ನೆಲೆಯಲ್ಲಿ ಮೂಡಿಬಂದ ಚಿತ್ರದ ಕಥಾವಸ್ತುವು ಮನರಂಜನೆ ಹಾಗೂ ಸಾಮಾಜಿಕ ಕಳಕಳಿಯ ಸಂದೇಶದಿಂದ ಕೂಡಿದೆ ಎಂದು ರಾಜು ಭಂಡಾರಿ ತಿಳಿಸಿದ್ದಾರೆ.