KL ರಾಹುಲ್ - ಆಥಿಯಾ ಶೆಟ್ಟಿ ಮದುವೆ ಎಲ್ಲಿ ಎಂಬುದನ್ನು ಬಾಯ್ಬಿಟ್ಟ ಸುನೀಲ್ ಶೆಟ್ಟಿ

ಬೆಂಗಳೂರು: ಕರ್ನಾಟಕ ಮೂಲದ ಟೀಮ್ ಇಂಡಿಯಾ ಕ್ರಿಕೆಟ್ ಆಟಗಾರ ಕೆ.ಎಲ್. ರಾಹುಲ್ ಹಾಗೂ ಬಾಲಿವುಡ್ ನಟಿ ಆಥಿಯಾ ಶೆಟ್ಟಿಗೆ ಅಂತೂ ಕಂಕಣಭಾಗ್ಯ ಕೂಡಿ ಬಂದಿದೆ.

ಸ್ವತಃ ಈ ವಿಷಯವನ್ನು ಆಥಿಯಾ ಶೆಟ್ಟಿ ತಂದೆ, ಮಂಗಳೂರು ಮೂಲದ ಬಾಲಿವುಡ್ ಹಿರಿಯ ನಟ ಸುನೀಲ್ ಶೆಟ್ಟಿ ಖಚಿತಪಡಿಸಿದ್ದಾರೆ.

‘ಶೀಘ್ರದಲ್ಲೇ ರಾಹುಲ್ ಹಾಗೂ ಆಥಿಯಾ ಅವರ ಮದುವೆ ಪುಣೆಯ ಲೋನವಾಲಾ ಬಳಿಯ ಕಂಡಾಲಾದ ನಮ್ಮ ಮನೆಯಲ್ಲಿ ನಡೆಯಲಿದೆ ಎಂದು ಸುನೀಲ್ ಶೆಟ್ಟಿ ತಿಳಿಸಿದ್ದಾರೆ’ ಎಂದು ಕೆಲ ಆಂಗ್ಲ ಮಾಧ್ಯಮಗಳು ವರದಿ ಮಾಡಿವೆ.

ಕಂಡಾಲಾ ಪಶ್ಚಿಮಘಟ್ಟಗಳ ಸಾಲಿನಲ್ಲಿರುವ ಸುಂದರ ‌ಪ್ರವಾಸಿ ತಾಣವಾಗಿದೆ. ಇಲ್ಲಿ ಸುನೀಲ್ ಶೆಟ್ಟಿ ಫಾರ್ಮ್ ಹೌಸ್ ಹಾಗೂ ಮನೆ ಹೊಂದಿದ್ದಾರೆ.

ಟೀಂ ಇಂಡಿಯಾ ಕ್ರಿಕೆಟ್‌ನಲ್ಲಿ ಉತ್ತಮ ಫಾರ್ಮ್‌ನಲ್ಲಿರುವ ಕೆ.ಎಲ್ ರಾಹುಲ್ ಅವರು ಈ ವಿಷಯವನ್ನು ದೃಢಪಡಿಸಿಲ್ಲ. ಅವರು ಸದ್ಯ ಏಷ್ಯಾ ಕಪ್ ಟೂರ್ನಿಯಲ್ಲಿ ಆಡುತ್ತಿದ್ದಾರೆ. ಹೀಗಾಗಿ ಸುನೀಲ್ ಶೆಟ್ಟಿ ಅವರು ಮದುವೆಯ ನಿಶ್ಚಿತ ದಿನವನ್ನು ಅಧಿಕೃತವಾಗಿ ಘೋಷಣೆ ಮಾಡಿಲ್ಲ.

ಇನ್ನು ಬಾಲಿವುಡ್‌ನಲ್ಲಿ ತೊಡಗಿಸಿಕೊಂಡಿರುವ ಆಥಿಯಾ ಶೆಟ್ಟಿ ‘ಹಿರೋ’ ಸೇರಿದಂತೆ ಕೆಲ ಚಿತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ.

ಭಟ್ಟರ ನಿರ್ದೇಶನದಲ್ಲಿ ಸೆಂಚುರಿ ಸ್ಟಾರ್‌ ಶಿವಣ್ಣನ ಸಿನಿಮಾ: ಶೀರ್ಷಿಕೆ ವಿಭಿನ್ನ