ಭಾರತದ ನಮಿತ್ ಮಲ್ಹೋತ್ರಾರ ಡಿಎನ್ಇಜಿ ಸಂಸ್ಥೆಗೂ ಆಸ್ಕರ್ ಪುರಸ್ಕಾರ

ಲಾಸ್ ಏಂಜಲಿಸ್‌: ಅಮೆರಿಕ ವೈಜ್ಞಾನಿಕ ಕಾಲ್ಪನಿಕ 'ಡ್ಯೂನ್' ಚಿತ್ರಕ್ಕೆ ಅತ್ಯುತ್ತಮ ವಿಷುವಲ್ ಎಫೆಕ್ಟ್ ನೀಡಿದ ಭಾರತ ಮೂಲದ ಚಿತ್ರೋದ್ಯಮಿ ನಮಿತ್ ಮಲ್ಹೋತ್ರಾ ಅವರ ಒಡೆತನದ'ಡಿಎನ್ಇಜಿ' ಕಂಪನಿಯು ಪ್ರತಿಷ್ಠಿತ ಆಸ್ಕರ್ ಪುರಸ್ಕಾರವನ್ನು ಮುಡಿಗೇರಿಸಿಕೊಂಡಿದೆ. ಡೆನಿಸ್ ವಿಲೆನ್ಯೂವ್ ಅವರ ನಿರ್ದೇಶನದ 'ಡ್ಯೂನ್' ಚಿತ್ರವು 2022ನೇ ಸಾಲಿನ ಅತಿಹೆಚ್ಚು ಆಸ್ಕರ್ ಪುರಸ್ಕಾರಕ್ಕೆ ಭಾಜನವಾಗಿದೆ.

ಮಲ್ಹೋತ್ರಾ ಅವರು ಅಧ್ಯಕ್ಷ ಮತ್ತು ಮುಖ್ಯ ಕಾರ್ಯ ನಿರ್ವಾಹಕ ಅಧಿಕಾರಿ(ಸಿಇಒ) ಆಗಿರುವ ಡಿಎನ್ಇಜಿ ಮತ್ತು ವಿಎಫ್ಎಕ್ಸ್ , ‘ಡ್ಯೂನ್’ ಚಿತ್ರಕ್ಕೆ ಪರಿಣಾಮಕಾರಿಯಾದ 'ವಿಷುವಲ್ ಎಫೆಕ್ಟ್' ನೀಡಿದ್ದವು.

ಸಿನಿಮಾದಲ್ಲಿ ವಿಷುವಲ್ ಎಫೆಕ್ಟ್ ಮುಖಾಂತರವೂ ಕಥೆಯನ್ನು ಹೇಳಬಹುದು ಎಂಬ ಹೊಸ ಮೈಲುಗಲ್ಲನ್ನು ಡ್ಯೂನ್ ಚಿತ್ರ ನಿರ್ಮಿಸಿದೆ. ಈ ಪುರಸ್ಕಾರಕ್ಕೆ ಡಿಎನ್ಇಜಿ ಕಂಪನಿ ಭಾಜನವಾಗಿರುವ ಹಿನ್ನೆಲೆಯಲ್ಲಿ ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ಸ್ ಆರ್ಟ್ಸ್ ಅಂಡ್ ಸೈನ್ಸಸ್‌ಗೆ ಅಭಾರಿಯಾಗಿದ್ದೇನೆ. ಇದೊಂದು ಹೆಮ್ಮೆಯ ಸಂಗತಿ ಎಂದು ಮಲ್ಹೋತ್ರಾ ಅವರು ಪ್ರತಿಕ್ರಿಯಿಸಿದ್ದಾರೆ.

‘ಆಸ್ಕರ್’ ಪ್ರದಾನ ಸಮಾರಂಭ: ಲತಾ, ದಿಲೀಪ್‌ಕುಮಾರ್‌ ಸ್ಮರಣೆ ಮರೆತ ‘ಅಕಾಡೆಮಿ’