ಪ್ರಜ್ವಲ್ ದೇವರಾಜ್ ಜಂಟಲ್ಮನ್ ಪೂರ್ಣ
ಪ್ರಜ್ವಲ್ ದೇವರಾಜ್ ಮತ್ತು ನಿಶ್ವಿಕಾ ನಾಯ್ಡು ನಟನೆಯ‘ಜಂಟಲ್ಮನ್’ ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳು ಆರಂಭವಾಗಿವೆ.
ಗುರು ದೇಶಪಾಂಡೆ ನಿರ್ಮಾಣದ ಈಚಿತ್ರವನ್ನು ಜಡೇಶ್ ಕುಮಾರ್ ನಿರ್ದೇಶಿಸುತ್ತಿದ್ದಾರೆ.ಕಥೆಯೂ ನಿರ್ದೇಶಕರದ್ದೇ.ಪ್ರಜ್ವಲ್ ದೇವರಾಜ್ ಹಾಗೂ ಸಹ ಕಲಾವಿದರ ಡಾನ್ಸ್‌ ಇರುವ ಹಾಡೊಂದನ್ನು ಇತ್ತೀಚೆಗೆ ಬೆಂಗಳೂರಿನ ಎಚ್ಎಂಟಿ ಫ್ಯಾಕ್ಟರಿ ಬಳಿಚಿತ್ರೀಕರಣ ಮಾಡಲಾಗಿದೆ.ನವೆಂಬರ್‌ನಲ್ಲಿ ಚಿತ್ರ ಬಿಡುಗಡೆ ಮಾಡುವುದಾಗಿ ನಿರ್ಮಾಪಕ ಗುರು ದೇಶಪಾಂಡೆ ತಿಳಿಸಿದ್ದಾರೆ.
‘ಸ್ಲೀಪಿಂಗ್‌ ಬ್ಯೂಟಿ ಸಿಂಡ್ರೋಮ್‌’ ಕಥಾವಸ್ತು ಚಿತ್ರದಲ್ಲಿದೆ. ಕುಂಭ ಕರ್ಣನನ್ನು ಹೋಲುವ ನಾಯಕ 18 ಗಂಟೆ ಕಾಲ ನಿದ್ದೆಯಲ್ಲಿರುತ್ತಾನೆ. ಉಳಿದ ಆರು ಗಂಟೆಗಳಲ್ಲಿ ಅವನ ಚಟುವಟಿಕೆಗಳು ಸಾಗುತ್ತವೆ. ಇದರಲ್ಲಿ ಸಾಹಸ, ಪ್ರೀತಿ, ಭಾವನೆಗಳು ಸಹ ಸಮ್ಮಿಳಿತಗೊಂಡಿವೆ.ಚಿತ್ರದ ಶೇ60 ಭಾಗದಲ್ಲಿ ಪುಟ್ಟ ಹುಡುಗಿ ಬೇಬಿ ಆರಾಧ್ಯ ಜೊತೆ ನಾಯಕ ನಟಿಸಿದ್ದಾರೆ.ನಿಶ್ವಿಕಾ ನಾಯ್ಡು ಈ ಚಿತ್ರದ ನಾಯಕಿ.ಅಜನಿಷ್ ಲೋಕನಾಥ್ ಸಂಗೀತ, ಆರೂರ್ ಸುಧಾಕರ್ ಶೆಟ್ಟಿ ಛಾಯಾಗ್ರಹಣ, ವಿನೋದ್ ಹಾಗೂ ಡಿಫರೆಂಟ್ ಡ್ಯಾನಿ ಸಾಹಸವಿದೆ.
ಇದನ್ನೂ ಓದಿ: ‘ಅರ್ಜುನ್ ಗೌಡ’ನ ಆಟ ನವೆಂಬರ್‌ನಲ್ಲಿ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.