ಒಂದೂವರೆ ಕೋಟಿಗೂ ಮಿಕ್ಕಿ ವೀಕ್ಷಣೆ ಪಡೆದ ‘ಚಾರ್ಲಿ 777’ ಟೀಸರ್‌

ರಕ್ಷಿತ್‌ ಶೆಟ್ಟಿ ನಟನೆಯ ‘ಚಾರ್ಲಿ–777’ ಟೀಸರ್‌ ಬಿಡುಗಡೆಯಾದ ಕೇವಲ 24 ಗಂಟೆಗಳಲ್ಲಿ ಸುಮಾರು ಒಂದೂವರೆ ಕೋಟಿ ಜನ ವೀಕ್ಷಿಸಿದ್ದಾರೆ. ಕನ್ನಡ, ಮಲಯಾಳಂ, ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿ ಏಕಕಾಲದಲ್ಲಿ ಬಿಡುಗಡೆಯಾದ ಟೀಸರ್‌ನ್ನು ಪ್ರತಿ ಆವೃತ್ತಿಯಲ್ಲೂ ಲಕ್ಷಾಂತರ ಜನ ವೀಕ್ಷಿಸಿದ್ದಾರೆ.

ಸದ್ಯದ ಅಂಕಿ ಅಂಶಗಳ ಪ್ರಕಾರ ಕನ್ನಡದಲ್ಲಿ 41 ಲಕ್ಷ, ಮಲಯಾಳಂ ಮತ್ತು ತೆಲುಗಿನಲ್ಲಿ ತಲಾ 25 ಲಕ್ಷ, ತಮಿಳಿನಲ್ಲಿ 28 ಲಕ್ಷ, ಹಿಂದಿ ಭಾಷೆಯಲ್ಲಿ 23 ಲಕ್ಷ ಜನ ವೀಕ್ಷಿಸಿದ್ದಾರೆ. ಈ ವೀಕ್ಷಕರ ಪ್ರಮಾಣ ಏರುತ್ತಲೇ ಇದೆ. ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆಯೂ ವ್ಯಕ್ತವಾಗಿದೆ. ಪ್ರಮುಖ ಸ್ಟಾರ್‌ ನಟರೂ ಕೂಡಾ ರಕ್ಷಿತ್‌ ಶೆಟ್ಟಿ ಅವರನ್ನು ಅಭಿನಂದಿಸಿದ್ದಾರೆ.