ಮರಳಿ ಬಂದ ಪದ್ಮಾವತಿ: ರಮ್ಯಾ ಟ್ವಿಟರ್ ಖಾತೆ ಓಪನ್‌
ಬೆಂಗಳೂರು: ನಟಿ ಹಾಗೂ ರಾಜಕಾರಣಿ ರಮ್ಯಾ ಮತ್ತೆ ಸಾಮಾಜಿಕ ಜಾಲತಾಣಗಳ ಕಡೆಮುಖ ಮಾಡಿದ್ದು,ಟ್ವಿಟರ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಹೌದು, ಕಳೆದೊಂದು ವರ್ಷದದಿಂದ ರಮ್ಯಾಸಾಮಾಜಿಕ ಜಾಲತಾಣಗಳಿಂದದೂರವೇ ಉಳಿದಿದ್ದರು. ಇದೀಗ ಅವರ ಟ್ವಿಟರ್ ಖಾತೆ ಆಕ್ಟೀವ್ಆಗಿದೆ. ಪದ್ಮಾವತಿ ಮತ್ತೆ ಟ್ವಿಟರ್‌ಗೆಮರಳಿರುವುದಕ್ಕೆ ಅಭಿಮಾನಿಗಳು ಫುಲ್‌ ಖುಷಿಯಾಗಿದ್ದಾರೆ.
ಕಳೆದ ವರ್ಷ ರಮ್ಯಾ ಟ್ವಿಟರ್ ಖಾತೆಡಿಲೀಟ್‌ ಮಾಡಿದ್ದಾರೆ ಎಂಬ ಸುದ್ದಿಗಳು ವರದಿಯಾಗಿದ್ದವು. ಜೂನ್‌ 1ರಂದು ಅವರು ಕೊನೆಯ ಟ್ವೀಟ್‌ ಮಾಡಿದ್ದರು. ಟ್ವಿಟರ್ ಖಾತೆ ಮತ್ತೆ ಆಕ್ಟೀವ್‌ ಆಗಿರುವುದರಿಂದ ಅಭಿಮಾನಿಗಳು ಸಂತಸಗೊಂಡಿದ್ದಾರೆ.
ಕಳೆದೊಂದು ವರ್ಷದಲ್ಲಿ ರಮ್ಯಾ ಎಲ್ಲಿದ್ದರೂ ಎಂಬುದರ ಬಗ್ಗೆಯೂ ಯಾವುದೇ ಮಾಹಿತಿಗಳು ಇರಲಿಲ್ಲ. ಅವರು ದುಬೈ ಅಥವಾ ಲಂಡನ್‌ನಲ್ಲಿ ನೆಲೆಸಿದ್ದಾರೆ ಎನ್ನಲಾಗಿತ್ತು.
ಕನ್ನಡ ಸಿನಿಮಾ ರಂಗದಲ್ಲಿ ನಂಬರ್‌ 1 ನಟಿಯಾಗಿದ್ದ ರಮ್ಯಾ 2016ರ ಬಳಿಕ ಯಾವುದೇ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲಿಲ್ಲ. ನಾಗರಹಾವು ಅವರು ನಟಿಸಿದ ಕೊನೆಯ ಸಿನಿಮಾ. ನಂತರ ರಾಜಕರಾಣಕ್ಕೆಬಂದ ರಮ್ಯಾ ಕಾಂಗ್ರೆಸ್ ಪಕ್ಷ ಸೇರಿ ಸಂಸದೆಯಾಗಿಆಯ್ಕೆಯಾಗಿ ಕೆಲಸ ಮಾಡಿದ್ದರು. ಕಳೆದ ಲೋಕಸಭೆ ಚುನಾವಣೆಯಲ್ಲಿ ಅವರು ಸ್ಪರ್ಧೆ ಮಾಡಲಿಲ್ಲ. ಪ್ರಧಾನಿ ಮೋದಿ ಅವರಿಗೆ ಟ್ವೀಟ್‌ಗಳ ಮೂಲಕ ಟಾಂಗ್ ಕೊಡುತ್ತಿದ್ದರು. ಆ ಮೂಲಕ ಸದಾ ಸುದ್ದಿಯಾಗುತ್ತಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.