ಟಾಲಿವುಡ್ ನಿರ್ದೇಶಕ ಎಸ್.ಎಸ್.ರಾಜಮೌಳಿ ನಿರ್ಮಾಣದ ಆರ್ಆರ್ಆರ್ ಚಿತ್ರ ಬಿಡುಗಡೆಗೂ ಮೊದಲೇ ₹ 70 ಕೋಟಿ ರೂಪಾಯಿಗೆ ದುಬೈಯಲ್ಲಿ ಪ್ರದರ್ಶನಕ್ಕಾಗಿ ಮಾರಾಟವಾಗಿದೆ. ವಿದೇಶದಲ್ಲಿ ಚಿತ್ರದ ವಿತರಣೆಯ ಹಕ್ಕನ್ನು ಫಾರ್ಸ್ ಫಿಲ್ಮ್ಸ್ ಸಂಸ್ಥೆ ಖರಿದಿಸಿದೆ. ಸದ್ಯಕ್ಕೆ ನಿರ್ಮಾಪಕರಿಗೆ ಸಿಕ್ಕ ದೊಡ್ಡ ಮೊತ್ತ ಇದು ಎಂಬ ವಿಶ್ಲೇಷಣೆ ಟಾಲಿವುಡ್ನಲ್ಲಿ ಕೇಳಿಬಂದಿದೆ.
ಚಿತ್ರವನ್ನು ಡಿವಿವಿ ದಾನಯ್ಯ ಅವರು ನಿರ್ಮಿಸುತ್ತಿದ್ದಾರೆ. ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಜೂನಿಯರ್ ಎನ್ಟಿಆರ್ ಮತ್ತು ರಾಮ್ಚರಣ್ ಇದ್ದಾರೆ. ಕೊರೊನಾ ಕಾರಣದಿಂದಾಗಿ ಜನ ಚಿತ್ರ ಮಂದಿರಗಳತ್ತ ಬರುತ್ತಿಲ್ಲ. ಯಾವ ಚಿತ್ರ ತಂಡವೂ ತಾನು ಹೂಡಿದ ಬಂಡವಾಳದ ಕನಿಷ್ಠ ಮೊತ್ತವನ್ನೂ ಪಡೆಯುವ ಖಾತ್ರಿ ಹೊಂದಿಲ್ಲ. ಸನ್ನಿವೇಶ ಹೀಗಿರುವಾಗ ಬೃಹತ್ ಮೊತ್ತ ಹಿಂದಕ್ಕೆ ಪಡೆಯುವುದು ಹೇಗೆ ಎಂಬ ಸವಾಲು ರಾಜಮೌಳಿ ಅವರಿಗೂ ಎದುರಾಗಿದೆ.
‘ಆರ್ಆರ್ಆರ್’ ಕಾದಂಬರಿ ಆಧರಿತ ಚಿತ್ರ. ಅಲ್ಲುರಿ ಸೀತಾರಾಮ ರಾಜು ಮತ್ತು ಕೊಮರಂ ಭೀಮ್ ಅವರ ಜೀವನಗಾಥೆಯನ್ನ ಹೊಂದಿದೆ. ಅಜಯ್ ದೇವಗನ್, ಅಲಿಯಾಭಟ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಕಳೆದ ತಿಂಗಳಿನಿಂದ ಈ ಚಿತ್ರದ ಚಿತ್ರೀಕರಣ ಹೈದರಾಬಾದ್ನಲ್ಲಿ ಮತ್ತೆ ಆರಂಭವಾಗಿದೆ. ಮತ್ತೆ ಚಿತ್ರೀಕರಣದ ಮುಂದುವರಿದ ಸಂಗತಿಯನ್ನು ಚಿತ್ರತಂಡ ವಿಶೇಷ ವಿಡಿಯೋ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.