ಲಂಡನ್‌ ವಿಮಾನ ನಿಲ್ದಾಣದಲ್ಲಿ ನಟ ಸತೀಶ್ ಶಾಗೆ ಜನಾಂಗೀಯ ನಿಂದನೆ

ಮುಂಬೈ (ಪಿಟಿಐ): ಲಂಡನ್‌ನ ಹೀಥ್ರೂ ವಿಮಾನನಿಲ್ದಾಣದಲ್ಲಿ ಸಿಬ್ಬಂದಿಯೊಬ್ಬರು ತಮ್ಮ ವಿರುದ್ಧ ಜನಾಂಗೀಯ ನಿಂದನೆ ಮಾಡಿದ್ದಾರೆ ಎಂದು ಹಿರಿಯ ನಟ ಸತೀಶ್ ಶಾ ಹೇಳಿದ್ದಾರೆ.

ವಿಮಾನ ನಿಲ್ದಾಣದ ಸಿಬ್ಬಂದಿ ತನ್ನ ಸಹೋದ್ಯೋಗಿಯನ್ನು ಶಾ ಪ್ರಥಮ ದರ್ಜೆ ಪ್ರಯಾಣವನ್ನು ಹೇಗೆ ಪಡೆಯಲು ಸಾಧ್ಯವಾಯಿತು ಎಂದು ದಿಗ್ಭ್ರಮೆಗೊಳಿಸುವ ಧ್ವನಿಯಲ್ಲಿ ಕೇಳಿದರು ಎಂದು ಮಂಗಳವಾರ ಹೇಳಿದ್ದಾರೆ.

‘ಹೀಥ್ರೂ ಸಿಬ್ಬಂದಿ ತನ್ನ ಸಹೋದ್ಯೋಗಿಯನ್ನು ಮೊದಲ ದರ್ಜೆ ಪ್ರಯಾಣ ಟಿಕೆಟ್‌ ಹೇಗೆ ಖರೀದಿಸಬಹುದು ಎಂದು ಆಶ್ಚರ್ಯದಿಂದ ಕೇಳುವುದನ್ನು ಕೇಳಿಸಿಕೊಂಡ ನಂತರ ನಾನು ನಗುವಿನೊಂಧಿಗೆ ‘ಏಕೆಂದರೆ ನಾವು ಭಾರತೀಯರು' ಎಂದು ಉತ್ತರಿಸಿದೆ ಎಂದು ಶಾ ಟ್ವೀಟ್ ಮಾಡಿದ್ದಾರೆ.

ಹೀಥ್ರೂ ವಿಮಾನನಿಲ್ದಾಣ ಈ ಕುರಿತು ಟ್ವಿಟರ್‌ನಲ್ಲಿ ಶಾ ಅವರ ಕ್ಷಮೆಯಾಚಿಸಿದ್ದು, ಘಟನೆ ಬಗ್ಗೆ ಮಾಹಿತಿ ನೀಡುವಂತೆ ಕೋರಿದೆ.