‘ಸತ್ತೇ ಪೆ ಸತ್ತಾ’ ರಿಮೇಕ್ನಲ್ಲಿ ನಟಿ ಅನುಷ್ಕಾ ಶರ್ಮ ನಟಿಸಲಿದ್ದಾರೆ.
ಅಮಿತಾಭ್ ಬಚ್ಚನ್ ಹಾಗೂ ಹೇಮಮಾಲಿನಿ ಅಭಿನಯದ ಈ ಚಿತ್ರದ ರಿಮೇಕ್ನ್ನು ರೋಹಿತ್ ಶೆಟ್ಟಿ ಹಾಗೂ ಫರ್ಹಾ ಖಾನ್ ಮಾಡುತ್ತಿದ್ದಾರೆ. ಮೂಲಚಿತ್ರದಲ್ಲಿ ಅಮಿತಾಭ್ ನಿರ್ವಹಿಸಿದ ಪಾತ್ರವನ್ನು ನಟ ಹೃತಿಕ್ ರೋಷನ್ ಮಾಡಲಿದ್ದಾರೆ.
ಈಗ ಹೇಮಾಮಾಲಿನಿ ನಿರ್ವಹಿಸಿದ ಪಾತ್ರಕ್ಕಾಗಿ ಚಿತ್ರತಂಡ ಅನುಷ್ಕಾ ಶರ್ಮ ಅವರನ್ನು ಭೇಟಿಯಾಗಿದೆ. ಚಿತ್ರದ ಮಾತುಕತೆ ಇನ್ನೂ ಆರಂಭಿಕ ಹಂತದಲ್ಲಿದೆ. ಈ ಚಿತ್ರವನ್ನು ರಿಮೇಕ್ ಮಾಡುವ ವಿಷಯ ಕೇಳಿ ಅನುಷ್ಕಾ ಸಂತಸ ವ್ಯಕ್ತಪಡಿಸಿದ್ದು, ಚಿತ್ರದಲ್ಲಿ ನಟಿಸಲು ಆಸಕ್ತಿ ತೋರಿಸಿದ್ದಾರೆ ಎಂದು ಚಿತ್ರತಂಡದ ಮೂಲಗಳು ತಿಳಿಸಿವೆ. ಇದಕ್ಕೂ ಮೊದಲು ಈ ಪಾತ್ರಕ್ಕಾಗಿ ದೀಪಿಕಾ ಪಡುಕೋಣೆ ಅವರ ಜೊತೆ ಮಾತುಕತೆ ನಡೆಸಿದ್ದರು. ಆದರೆ ಅವರು ನಿರಾಕರಿಸಿದ್ದರೆನ್ನಲಾಗಿದೆ.
‘ಜೀರೊ’ ಅನುಷ್ಕಾ ನಟನೆಯ ಕೊನೆಯ ಚಿತ್ರ. ಅವರು ಯಾವುದೇ ಸಿನಿಮಾಗಳನ್ನು ಒಪ್ಪಿಕೊಂಡಿರಲಿಲ್ಲ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.