ಸನ್ನಿ ಲಿಯೋನಿ ‘ಬುಲೆಟ್ಸ್’ ಇಂದಿನಿಂದ ಶುರು

ನೀಲಿಚಿತ್ರ ತಾರೆ, ಮಾದಕ ನಟಿ ಎಂದೇ ಕರೆಸಿಕೊಳ್ಳುವ ಸನ್ನಿ ಲಿಯೋನಿ ವೆಬ್‌ ಸರಣಿಗಳತ್ತ ಮುಖ ಮಾಡಿದ್ದಾರೆ. ಸನ್ನಿ ನಟನೆಯ ವೆಬ್‌ ಸರಣಿ ‘ಬುಲೆಟ್ಸ್’ ಇಂದಿನಿಂದ ಪ್ರಸಾರ ಆರಂಭಿಸಲಿದೆ. ದೇವಾಂಗ್‌ ಧೋಲ್ಕಿಯಾ ನಿರ್ದೇಶನದ ಈ ಸರಣಿ ಎಂಎಕ್ಸ್ ಪ್ಲೇಯರ್‌ನಲ್ಲಿ ಬಿಡುಗಡೆಯಾಗುತ್ತಿದೆ.

ಅಕ್ರಮ ಶಸ್ತ್ರಾಸ್ತ್ರ ಸಾಗಾಟದ ವಿರುದ್ಧ ಹೋರಾಡುವ ಹೆಣ್ಣುಮಕ್ಕಳ ಕಥೆ ಹೊಂದಿರುವ ಈ ವೆಬ್‌ಸರಣಿಯಲ್ಲಿ ಸನ್ನಿ ಲಿಯೋನಿ ಜೊತೆ ಕರೀಶ್ಮಾ ತನ್ನಾ ತೆರೆ ಹಂಚಿಕೊಂಡಿದ್ದಾರೆ. ವಿವೇಕ್ ವಾಸ್ವಾನಿ, ಅಮಾನ್ ಖಾನ್‌, ದೀಪಕ್ ತಿಜೋರಿ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ.

ಟೀನಾ ಹಾಗೂ ಲೋಲೊ ಎಂಬ ಇಬ್ಬರು ಧೈರ್ಯಶಾಲಿ ಹೆಣ್ಣುಮಕ್ಕಳ ಸುತ್ತ ಸುತ್ತುವ ಈ ಸರಣಿಯು ಸಸ್ಪೆನ್ಸ್ ಥ್ರಿಲ್ಲರ್‌ ಕಥೆಯನ್ನು ಹೊಂದಿದೆ.

ಎರಡು ದೇಶಗಳ ನಡುವೆ ನಡೆಯುವ ಅಕ್ರಮ ಶಸ್ತ್ರಾಸ್ತ್ರಗಳ ವಿರುದ್ಧ ಕಾರ್ಯಾಚರಣೆ ನಡೆಸುವ ಹೆಣ್ಣುಮಕ್ಕಳು ಟೀನಾ, ಲೋಲೊ. ರಾಜಕಾರಣಿಗಳು ಹಾಗೂ ಸ್ಥಳೀಯ ಪೊಲೀಸರ ಸಮಕ್ಷಮದಲ್ಲೇ ನಡೆಯುವ ಈ ಅಕ್ರಮವನ್ನು ತಡೆಯಲು ಮುಂದಾಗುವ ಹೆಣ್ಣುಮಕ್ಕಳಿಗೆ ಅನೇಕ ಅಡ್ಡಿ, ಆತಂಕಗಳು ಎದುರಾಗುತ್ತವೆ. ಆದರೆ ಅವರು ತಮ್ಮ ಕಾರ್ಯಾಚರಣೆಯಲ್ಲಿ ಯಶಸ್ಸು ಗಳಿಸುತ್ತಾರಾ? ಇಲ್ಲ ಅರ್ಧಕ್ಕೆ ನಿಲ್ಲಿಸುತ್ತಾರಾ? ಎಂಬುದು ತಿಳಿಯಬೇಕಾದರೆ ವೆಬ್‌ ಸರಣಿಯನ್ನು ನೋಡಬೇಕು.