ನಾನು ಆರೋಗ್ಯವಾಗಿದ್ದೇನೆ: ತೆಲುಗಿನ ಹಾಸ್ಯ ನಟ ಸುನಿಲ್
Published 24 ಜನವರಿ 2020, 10:28 IST
ಸುನಿಲ್
ಹೈದರಾಬಾದ್‌: ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ತೆಲುಗಿನಖ್ಯಾತ ಹಾಸ್ಯ ನಟ ಸುನಿಲ್ 'ನಾನು ಆರೋಗ್ಯವಾಗಿದ್ದು ಅಭಿಮಾನಿಗಳು ಆತಂಕಪಡುವ ಅಗತ್ಯ ಇಲ್ಲ' ಎಂದು ಹೇಳಿದ್ದಾರೆ.
ನಿನ್ನೆ (ಜನವರಿ 23) ಅನಾರೋಗ್ಯದ ಕಾರಣ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರು ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಫೋಟೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿತ್ತು. ಇದರಿಂದ ಟಾಲಿವುಡ್‌ ನಟರೂಸೇರಿದಂತೆ ಅಭಿಮಾನಿಗಳು ಗಾಬರಿಗೊಂಡಿದ್ದರು.
ಈ ಬಗ್ಗೆ ಫೇಸ್‌ಬುಕ್‌ನಲ್ಲಿ ಪೋಟೊ ಜೊತೆಗೆ ಸ್ಟೇಟಸ್‌ ಹಾಕಿರುವ ಸುನಿಲ್, ನಾನು ಆರೋಗ್ಯವಾಗಿದ್ದು, ಜ್ವರ ಇರುವುದರಿಂದ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದೇನೆ ಯಾರೂ ಆತಂಕ ಪಡುವ ಅಗತ್ಯವಿಲ್ಲ. ರವಿತೇಜ ಅಭಿನಯದ'ಡಿಸ್ಕೊರಾಜ' ಸಿನಿಮಾವನ್ನು ನೋಡಿ ಎಂಜಾಯ್‌ ಮಾಡಿ ಎಂದು ಬರೆದಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.