ಬಾಲಿವುಡ್‌ನ ಹಿರಿಯ ಹಿನ್ನೆಲೆ ಗಾಯಕ ಭೂಪಿಂದರ್ ಸಿಂಗ್ ನಿಧನ

ಮುಂಬೈ: ಬಾಲಿವುಡ್‌ನ ಹಿರಿಯ ಹಿನ್ನೆಲೆ ಗಾಯಕ ಭೂಪಿಂದರ್ ಸಿಂಗ್ ಸೋಮವಾರ ಸಂಜೆ ನಿಧನರಾಗಿದ್ದಾರೆ. ಈ ಕುರಿತಂತೆ ಅವರ ಪತ್ನಿ ಮತ್ತು ಗಾಯಕಿ ಮಿಥಾಲಿ ಸಿಂಗ್ ಹೇಳಿದ್ದಾರೆ.

‘ಕೆಲ ಕಾಲದಿಂದ ಮೂತ್ರಕೋಶದ ಸಮಸ್ಯೆ ಸೇರಿದಂತೆ ಹಲವು ಆರೋಗ್ಯ ಸಮಸ್ಯೆಗಳಿಂದ ಭೂಪಿಂದರ್ ಬಳಲುತ್ತಿದ್ದರು’ಎಂದೂ ಅವರು ಹೇಳಿದ್ಧಾರೆ.

82 ವರ್ಷದ ಗಾಯಕನ ಅಂತ್ಯಕ್ರಿಯೆಯ ವ್ಯವಸ್ಥೆ ಸೇರಿದಂತೆ ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.

ಮೌಸಮ್, ಸತ್ತೆ ಪೆ ಸತ್ತಾ, ಅಹಿಸ್ತಾ ಅಹಿಸ್ತಾ, ದೂರಿಯನ್, ಹಕೀಕತ್ ಮುಂತಾದ ಚಿತ್ರಗಳಲ್ಲಿ ಅವರು ಸ್ಮರಣೀಯ ಹಾಡುಗಳನ್ನು ಹಾಡಿದ್ದಾರೆ.