ನೆಟ್‌ಫ್ಲಿಕ್ಸ್‌ನಲ್ಲಿ ಬೀಸ್ಟ್‌ ಸಿನಿಮಾ: ಕನ್ನಡ ಸೇರಿ ಐದೂ ಭಾಷೆಗಳಲ್ಲಿ ಲಭ್ಯ
Published 4 ಮೇ 2022, 11:03 IST
ಬೀಸ್ಟ್‌
ಚೆನ್ನೈ: ನಟ ದಳಪತಿ ವಿಜಯ್ ಅವರ ’ಬೀಸ್ಟ್‌‘ ಸಿನಿಮಾ ಬಿಡುಗಡೆಯಾಗಿ ಒಂದು ತಿಂಗಳು ಕಳೆಯುವುದರೊಳಗಾಗಿ ಒಟಿಟಿಗೆ ದಾಂಗುಡಿ ಇಟ್ಟಿದೆ.
ಇದೇ ಮೇ 11 ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬೀಸ್ಟ್‌ ತಮಿಳು, ಕನ್ನಡ, ತೆಲುಗು, ಮಲೆಯಾಳಂಹಾಗೂ ಹಿಂದಿಯಲ್ಲಿ ನೋಡುಗರಿಗೆ ಲಭ್ಯವಾಗಲಿದೆ.
ಏಪ್ರಿಲ್ 13 ರಂದು ಬೀಸ್ಟ್‌ ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಆದರೆ, ಚಿತ್ರ ವಿಜಯ್ ಅಭಿಮಾನಿಗಳಿಗೆ ಕೊಂಚ ನಿರಾಶೆಯನ್ನು ಮಾಡಿತ್ತು. ಏಕೆಂದರೆ, ಕಥೆ ಅಷ್ಟೊಂದು ಗಟ್ಟಿಯಾಗಿರಲಿಲ್ಲ ಹಾಗೂ ಕೆಜಿಎಫ್ ಚಾಪ್ಟರ್ 2 ಅಬ್ಬರದ ಮುಂದೆ ಬೀಸ್ಟ್‌ ಫೇಲವವಾಯಿತು ಎನ್ನಲಾಗಿದೆ.
ನೆಲ್ಸನ್‌ ದಿಲೀಪ್‌ ಕುಮಾರ್ ಅವರ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಬೀಸ್ಟ್‌ನಲ್ಲಿ ವಿಜಯ್ ಮುಖ್ಯಪಾತ್ರದಲ್ಲಿ, ಪೂಜಾ ಹೆಗ್ಡೆ, ಯೋಗಿ ಬಾಬು, ಸೆಲ್ವ ರಾಘವನ್ ಸೇರಿದಂತೆ ಮುಂತಾದವರು ನಟಿಸಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.