‘ವರದ’ ನಾಗಿ ಬರುತ್ತಿದ್ದಾರೆ ವಿನೋದ್ ಪ್ರಭಾಕರ್..

ವಿನೋದ್‌ ಪ್ರಭಾಕರ್‌ ‘ವರದ’ ಆಗಿ ಬರುತ್ತಿದ್ದಾರೆ. ಚಿತ್ರದ ಮೋಷನ್‌ ಪೋಸ್ಟರ್‌ ಈಗಾಗಲೇ ಆನಂದ್‌ ಆಡಿಯೊದ ಯುಟ್ಯೂಬ್‌ ಚಾನೆಲ್‌ನಲ್ಲಿ ಬಿಡುಗಡೆ ಆಗಿದೆ.

‘ತಂದೆ ಮಗನ ಬಾಂಧವ್ಯದ ಬಗ್ಗೆ ಹೇಳುವ ಸಿನಿಮಾ ‘ವರದ’. ತಂದೆಯ ಪಾತ್ರದಲ್ಲಿ ಚರಣ್‌ರಾಜ್‌ ಇದ್ದಾರೆ. ನಾಯಕಿಯಾಗಿ ಅಮಿತಾ ಇದ್ದಾರೆ. ತಾಯಿ ಪಾತ್ರದಲ್ಲಿ ಅಶ್ವಿನಿ ಗೌಡ ಇದ್ದಾರೆ’ ಎಂದರು ವಿನೋದ್‌ ಪ್ರಭಾಕರ್‌.

ನಿರ್ಮಾಪಕ ಹಾಗೂ ನಿರ್ದೇಶಕ ಉದಯ ಪ್ರಕಾಶ್ ಮಾಹಿತಿ ನೀಡಿ, ‘ಈ ಚಿತ್ರ ಎರಡು ವರ್ಷಗಳ ಹಿಂದೆ ಆರಂಭವಾಯಿತು. ಆದರೆ, ಕೊರೊನಾ ಕಾರಣದಿಂದ ತಡವಾಯಿತು. ಈಗಾಗಲೇ ಚಿತ್ರೀಕರಣ ಪೂರ್ಣವಾಗಿದ್ದು, ಪೋಸ್ಟ್ ಪ್ರೊಡಕ್ಷನ್ ಕೆಲಸ ಬಿರುಸಿನಿಂದ ಸಾಗಿದೆ’ ಎಂದರು.

ಚಿತ್ರಕ್ಕೆ ಪ್ರದೀಪ್ ವರ್ಮ ಅವರ ಸಂಗೀತ ಹಾಗೂ ಜೈಆನಂದ್ ಅವರ ಛಾಯಾಗ್ರಹಣ ಇದೆ.