‘ಸಂಬಂಧಗಳ ಸುತ್ತ’ ನಾಟಕ ಪ್ರದರ್ಶನ
ವಿಮೂವ್ ಥಿಯೇಟರ್‌ ತಂಡದ ‘ಸಂಬಂಧಗಳ ಸುತ್ತ’ ನಾಟಕ ನಗರದಲ್ಲಿ ಪ್ರದರ್ಶನಗೊಳ್ಳಲಿದೆ. ಈ ತಂಡ ಸತತ 12 ವರ್ಷಗಳಿಂದ ಬಹುಮುಖಿ ನಾಟಕಗಳನ್ನು ಪ್ರದರ್ಶಿಸುತ್ತಿದೆ.
2017ರಲ್ಲಿ ಈ ನಾಟಕ ಮೊದಲ ಪ್ರದರ್ಶನ ಕಂಡಿತ್ತು. ಕ್ರೊವೇಷ್ಯಾದ ಮಿರೊ ಗ್ರವಾನ್‌ ಅವರ ‘ಆಲ್‌ ಎಬೊಟ್‌ ವುಮೆನ್‌’ ನಾಟಕವನ್ನು ಕನ್ನಡಕ್ಕೆ ತರುವ ಪ್ರಯತ್ನ ಇದಾಗಿದೆ. ಅಭಿಷೇಕ್‌ ಅಯ್ಯಂಗಾರ್‌ ಅವರು ಕನ್ನಡಕ್ಕೆ ತಂದಿದ್ದಾರೆ. ಸಿಂಧು ಹೆಗಡೆ ನಿರ್ದೇಶಿಸಿದ್ದಾರೆ.
ಹೆಣ್ಣನ್ನು ಸಮಾಜದಲ್ಲಿ ನೋಡುವ ರೀತಿ ಮೊದಲಿನಂತೆ ಇಲ್ಲ. ಸಾಕಷ್ಟು ಬದಲಾವಣೆಗಳು ಆಗಿವೆ. ಆದರೂ ಹೆಣ್ಣಿನ ಅಂತರಂಗವನ್ನು ಅರ್ಥಮಾಡಿಕೊಳ್ಳುವುದು ಕಷ್ಟ. ಸಿನಿಮಾ ಹಾಗೂ ಧಾರವಾಹಿಯಲ್ಲಿ ಹೆಣ್ಣನ್ನು ಕ್ರೂರಿ ಹಾಗೂ ಅಬಲೆ ಎಂಬ ಎರಡೂ ಭಿನ್ನ ನೆಲೆಯಿಂದ ಚಿತ್ರಿಸಲಾಗುತ್ತಿದೆ. ಇಲ್ಲವೇ ಆಕೆ ತ್ಯಾಗಮಯಿಯಾಗಬೇಕು. ಈ ರೀತಿಯ ಸಿದ್ದಮಾದರಿಗಳನ್ನು ಹಾಗೂ ರೂಢಿಗತ ವಿಚಾರಗಳನ್ನು ನಾಟಕ ನಮ್ಮ ಮುಂದಿಡುತ್ತದೆ.
ಜುಲೈ 3ರಂದು ಜೆ.ಪಿ.ನಗರದ ರಂಗಶಂಕರದಲ್ಲಿ ರಾತ್ರಿ 7.30ಕ್ಕೆ ನಾಟಕ ಪ್ರದರ್ಶನಗೊಳ್ಳಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.