ಬಿಗ್ ಬಾಸ್- ಲಾಕ್‌ ಅಪ್‌ ಹೋಲಿಕೆ: ನಿರ್ಮಾಪಕಿ ಏಕ್ತಾ ಕಪೂರ್ ಹೇಳಿದ್ದೇನು?
ಮುಂಬೈ: ಬಾಲಿವುಡ್ ನಟಿ ಕಂಗನಾ ರನೌತ್ ಅವರ ನಿರೂಪಣೆಯಲ್ಲಿ ಮೂಡಿಬರಲಿರುವ ‘ಲಾಕ್‌ ಅಪ್‌’ ರಿಯಾಲಿಟಿ ಶೋನ ಟ್ರೈಲರ್ ಬುಧವಾರ ದೆಹಲಿಯಲ್ಲಿ ಬಿಡುಗಡೆಯಾಗಿದೆ.
ಎಂಎಕ್ಸ್ ಪ್ಲೇಯರ್ ಹಾಗೂ ಆಲ್ಟ್ ಬಾಲಾಜಿ ಒಟಿಟಿಗಳಲ್ಲಿ ಫೆಬ್ರುವರಿ 27ರಿಂದ ಕಾರ್ಯಕ್ರಮ ಪ್ರಸಾರವಾಗಲಿದೆ.
‘ಸಲ್ಮಾನ್ ಖಾನ್’ ನಿರೂಪಣೆಯ ‘ಬಿಗ್ ಬಾಸ್’ಗೆ ‘ಲಾಕ್‌ ಅಪ್‌’ ಅನ್ನು ಹೋಲಿಸಲಾಗುತ್ತಿದೆ.
ಈ ವಿಚಾರವಾಗಿ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿರುವ ಲಾಕ್‌ ಅಪ್‌ ಶೋ ನಿರ್ಮಾಪಕಿ ಏಕ್ತಾ ಕಪೂರ್, ‘ಜಗತ್ತಿನಾದ್ಯಂತ ನಾಲ್ಕು ಗೋಡೆಗಳ ನಡುವೆ ಸಂಭವಿಸುವ ವಾಸ್ತವತೆಗಳನ್ನು ಪರಸ್ಪರ ಹೋಲಿಸಲಾಗುತ್ತದೆ. ಇದೂ ಸಹ ನಾಲ್ಕು ಗೋಡೆಗಳ ನಡುವೆ ನಡೆಯುವ ರಿಯಾಲಿಟಿ ಶೋ ಆಗಿದೆ’ ಎಂದು ತಿಳಿಸಿದ್ದಾರೆ.
‘ಒಂದು ಧಾರಾವಾಹಿಯನ್ನು ಇನ್ನೊಂದಕ್ಕೆ ಹೋಲಿಸಿದರೆ ನೀವು ಎಂದಾದರೂ ಹೆದರಿದ್ದೀರಾ ಎಂದು ಕೇಳಿದಂತಿದೆ? ಹತ್ತು ಧಾರಾವಾಹಿಗಳಿರುತ್ತವೆ. ನಾವು ಅವುಗಳೆಲ್ಲವನ್ನೂ ಒಂದೇ ಕಥೆಯಂತೆ ನೋಡುತ್ತೇವೆ. ಆದರೆ, ಅವುಗಳ ಹಿಂದೆ ಕೆಲಸ ಮಾಡಿದವರು ತಮ್ಮದೇ ಆದ ವಿಭಿನ್ನ ಅಭಿಪ್ರಾಯಗಳನ್ನು ಹೊಂದಿರುತ್ತಾರೆ’ ಎಂದೂ ಏಕ್ತಾ ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.