ವಿಮಾನದಲ್ಲಿ ಸಾಕುಪ್ರಾಣಿಗಳು!

ಅಮೆರಿಕದ ವಿಮಾನಯಾನ ಕಂಪನಿಗಳು ಪ್ರಯಾಣಿಕರಿಗೆ ತಮ್ಮ ಜೊತೆ ಸಾಕುಪ್ರಾಣಿಗಳನ್ನು, ಸಾಕು ಪಕ್ಷಿಗಳನ್ನು ಕರೆದೊಯ್ಯಲು ಅವಕಾಶ ಕೊಡುತ್ತವೆ. ಆತಂಕ, ಖಿನ್ನತೆಯಂತಹ ಸಮಸ್ಯೆಗಳಿಗೆ ತುತ್ತಾದವರಿಗೆ, ಭಾವನಾತ್ಮಕ ಆಸರೆ ನೀಡುವ ಸಾಕು ಪ್ರಾಣಿ ಅಥವಾ ಪಕ್ಷಿಗಳನ್ನು ವಿಮಾನದಲ್ಲಿ ಕರೆದುಕೊಂಡು ಹೋಗಲು ಅಲ್ಲಿ ಅವಕಾಶ ಇದೆ. ಆದರೆ ಹಾಗೆ ಕರೆದುಕೊಂಡು ಹೋಗುವ ಮುನ್ನ ವೈದ್ಯರು ಆ ಪ್ರಾಣಿ ಅಥವಾ ಪಕ್ಷಿಯನ್ನು ಪರೀಕ್ಷಿಸಿ ಪ್ರಮಾಣಪತ್ರ ನೀಡಬೇಕು. ಆದರೆ, ಅಮೆರಿಕದಲ್ಲಿ ಕೆಲವರು ಇದನ್ನು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ಒಂದು ಪ್ರಕರಣದಲ್ಲಿ ಮಹಿಳೆಯೊಬ್ಬಳು, ಒಂದು ನವಿಲನ್ನು ವಿಮಾನದಲ್ಲಿ ಕರೆದೊಯ್ಯಲು ಅವಕಾಶ ಕೇಳಿದ್ದಳಂತೆ.