ಬುರ್ಖಾಧಾರಿ ಹುಡುಗಿಯರು ಹಾಡೊಂದಕ್ಕೆ ಹುರುಪಿನಿಂದ ಹೆಜ್ಜೆ ಹಾಕಿದ ವಿಡಿಯೊ ತುಣುಕು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಹಾಡಿನಲ್ಲಿ ‘ಜೈಶ್ರೀರಾಮ್’ ಎಂಬ ಉಲ್ಲೇಖ ಕೇಳಿಸುತ್ತದೆ. ಬುರ್ಖಾ ಧರಿಸಿರುವ ಹುಡುಗಿಯರ ಜತೆ ಕೆಂಪು ದಿರಿಸಿನಲ್ಲಿರುವ ಮಹಿಳೆಯೂ ನೃತ್ಯ ಮಾಡುವುದು ಕಾಣಿಸುತ್ತದೆ. ‘ಶಿಕ್ಷಕಿಯು ಖಟ್ಟರ್ ಹಿಂದೂ ಆಗಿದ್ದಾಗ ಮಾತ್ರ ಇದು ಸಾಧ್ಯ’ ಎಂದು ಇನ್ಸ್ಟಾಗ್ರಾಂ ಬಳಕೆದಾರರೊಬ್ಬರು ವಿಡಿಯೊ ಜೊತೆ ಉಲ್ಲೇಖಿಸಿದ್ದಾರೆ. ಆದರೆ ಇದು ತಿರುಚಲಾದ ವಿಡಿಯೊ.
ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ವಿಡಿಯೊ ತಿರುಚಿದ್ದು ಎಂದು ‘ಇಂಡಿಯಾಟುಡೇ’ ವರದಿ ಮಾಡಿದೆ. ಬಾಂಗ್ಲಾದೇಶದ ಢಾಕಾ ವಲಯದ ಮದರಿಪುರ ಬಾಲಕಿಯರ ಪ್ರೌಢಶಾಲೆಯ ವಾರ್ಷಿಕೋತ್ಸವದ ವೇಳೆ ಹುಡುಗಿಯರು ನೃತ್ಯ ಮಾಡಿದ ವಿಡಿಯೊ ಇದಾಗಿದೆ. ಆದರೆ ಮೂಲ ವಿಡಿಯೊದಲ್ಲಿ ‘ಅಮರ್ ಮೊಂಟಾ ಜೆ ಆಜ್ ಎಮೊಲೆಲೊ’ ಎಂಬ ಬಂಗಾಳಿ ಗೀತೆಯನ್ನು ಬಳಸಲಾಗಿದೆ. ಮೂಲ ವಿಡಿಯೊದ ಗೀತೆಯನ್ನು ಮ್ಯೂಟ್ ಮಾಡಿ, ಬೇರೊಂದು ಗೀತೆಯನ್ನು ಸೇರಿಸಿ ತಿರುಚಲಾಗಿದೆ ಎಂದು ವೆಬ್ಸೈಟ್ ವರದಿ ಮಾಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.