ನಿಂತಿರುವ ವಾಹನದಲ್ಲಿ ಬಟ್ಟಲು, ಲೋಟ ಹಿಡಿದು ಮುಗಿಬಿದ್ದಿರುವ ಜನ. ಬಾಟಲಿಯಿಂದ ತಮ್ಮ ಬಟ್ಟಲಿಗೆ ಒಂದಿಷ್ಟು ಮದ್ಯ ಹಾಕಿಸಿಕೊಳ್ಳುವ ತವಕ. ವಾಹನದತ್ತ ಓಡಿಬರುತ್ತಿರುವ ಜನ – ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೊವೊಂದರಲ್ಲಿ ಜನರು ಮುಗಿಬಿದ್ದು ಮದ್ಯಕ್ಕೆ ಹಾತೊರೆಯುತ್ತಿದ್ದಾರೆ. ದೆಹಲಿಯಲ್ಲಿ ಪ್ರತಿಭಟನೆ ನಡೆಸುತ್ತಿರುವ ರೈತರಿಗೆ ಎಂತೆಂಥಾ ಸೌಲಭ್ಯಗಳಿವೆ ನೋಡಿ ಎಂದು ಒಕ್ಕಣೆ ಕೂಡಾ ನೀಡಲಾಗಿದೆ.
ಜನರು ಮದ್ಯಕ್ಕೆ ಮುಗಿಬಿದ್ದಿರುವ ವಿಡಿಯೊವನ್ನು ಲಾಜಿಕಲ್ ಇಂಡಿಯನ್ ಫ್ಯಾಕ್ಟ್ ಚೆಕ್ ತಂಡ ಪರಿಶೀಲನೆಗೆ ನಡೆಸಿದೆ. ರಿವರ್ಸ್ ಇಮೇಜ್ನಲ್ಲಿ ಹಾಕಿದಾಗ, ಈ ವಿಡಿಯೊ ಕಳೆದ ವರ್ಷದ ಏಪ್ರಿಲ್ನಲ್ಲಿ ಚಿತ್ರೀಕರಿಸಿದ್ದು ಎಂಬುದು ದೃಢಪಟ್ಟಿದೆ. ಫೇಸ್ಬುಕ್ ಹಾಗೂ ಯೂಟ್ಯೂಬ್ನಲ್ಲಿ ಏಪ್ರಿಲ್ನಲ್ಲಿ ಇದು ಅಪ್ಲೋಡ್ ಆಗಿದೆ. ಕೃಷಿ ಕಾನೂನುಗಳಿಗೆ ಅನುಮೋದನೆ, ರೈತರ ಪ್ರತಿಭಟನೆಗಳೆಲ್ಲ ಶುರುವಾಗಿದ್ದು ಸೆಪ್ಟೆಂಬರ್ನಲ್ಲಿ. ಈ ವಿಡಿಯೊಗೂ ರೈತರ ಪ್ರತಿಭಟನೆಗೂ ಸಂಬಂಧವಿಲ್ಲ ಎಂದು ವೆಬ್ಸೈಟ್ ಸ್ಟಷ್ಟಪಡಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.