ವೈರಲ್ ಆಗಿರುವುದು ಹಳೆಯ ವಿಡಿಯೊ
Published 3 ಸೆಪ್ಟೆಂಬರ್ 2020, 18:51 IST
ಪೂರ್ವ ಲಡಾಖ್‌ನಲ್ಲಿ ಮೂರುವರೆ ಕಿಲೋಮೀಟರ್ ಭೂ ಪ್ರದೇಶವನ್ನು ಚೀನಾದಿಂದ ಮರು ವಶಪಡಿಸಿಕೊಳ್ಳಲಾಗಿದೆ. ಭಾರತೀಯ ಸೇನೆಯಲ್ಲಿರುವಟಿಬೆಟಿಯನ್ ವಿಶೇಷ ಪ್ಯಾರಾಟ್ರೂಪರ್ ಫೋರ್ಸ್‌ನ ಸೈನಿಕರು ಸಂಭ್ರಮಾಚರಣೆಯಲ್ಲಿ ತೊಡಗಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿದೆ. ‘ಮಿಷನ್ ಪಿಒಕೆ/ಅಕ್ಸಾಯಿಚಿನ್’ ಹೆಸರಿನಲ್ಲಿ ಅಖಂಡ ಭಾರತಕ್ಕಾಗಿ ನಡೆದ ಹೋರಾಟವಿದು ಎಂಬ ಅರ್ಥದಲ್ಲಿ ಇದನ್ನು ಬಿಂಬಿಸಲಾಗುತ್ತಿದೆ. ವಿಡಿಯೊದಲ್ಲಿ ಟಿಬೆಟ್‌ನ ಧ್ವಜ ಕಾಣಿಸುತ್ತದೆ.
ಆಗಸ್ಟ್ 29ರ ರಾತ್ರಿ ಸ್ಕಿರ್ಮಿಷ್‌ನಲ್ಲಿ ಚೀನಾದ ಅತಿಕ್ರಮಣವನ್ನು ಭಾರತೀಯ ಸೇನೆ ತಡೆದಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ. ಆದರೆ ಜಾಲತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೊವನ್ನು ಅದಕ್ಕೂ ಮುನ್ನ ಚಿತ್ರೀಕರಿಸಲಾಗಿದೆ ಎಂದು ಲಾಜಿಕಲ್ ಇಂಡಿಯನ್ಸ್ ಫ್ಯಾಕ್ಟ್ ಚೆಕ್ ವೇದಿಕೆ ಸ್ಪಷ್ಟಪಡಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.