ಯುಪಿಐ ಮೂಲಕ ಮಾಡುವ ಪಾವತಿ ಹೊಸವರ್ಷದಲ್ಲಿ ದುಬಾರಿಯಾಗಿದೆ. ಯುಪಿಐ ಪಾವತಿಗೆ ಹೆಚ್ಚುವರಿ ತೆರಿಗೆ ಕಟ್ಟಬೇಕಿದೆ ಎಂಬ ಸುದ್ದಿಯನ್ನು ಜನರು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಅಮರ್ ಉಜಾಲ ಪತ್ರಿಕೆಯ ವರದಿಯನ್ನೂ ಜನರು ಶೇರ್ ಮಾಡುತ್ತಿದ್ದಾರೆ.
ಯುಪಿಐಗೆ ಯಾವುದೇ ಹೆಚ್ಚುವರಿ ದರ ಇಲ್ಲ ಎಂದು ಲಾಜಿಕಲ್ ಇಂಡಿಯನ್ ವೆಬ್ಸೈಟ್, ಸಂಪೂರ್ಣ ಪರಿಶೀಲನೆ ಮಾಡಿ ಪ್ರಕಟಿಸಿದೆ. ಪತ್ರಿಕೆಯಲ್ಲಿ ಬಂದಿರುವ ವರದಿಯ ಕೊನೆಯಲ್ಲಿ ಇದ್ದ ಪ್ರಶ್ನಾರ್ಥಕ ಚಿಹ್ನೆಯನ್ನು ತೆಗೆದು, ತಿರುಚಿ ಹಂಚಿಕೊಳ್ಳಲಾಗುತ್ತಿದೆ. ಥರ್ಡ್ ಪಾರ್ಟಿ ಪೇಮೆಂಟ್ ಆ್ಯಪ್ಗಳ ಮೂಲಕ ಮಾಡುವ ಪಾವತಿಗೆ ತೆರಿಗೆ ಇಲ್ಲ ಎಂದು ಭಾರತೀಯ ರಾಷ್ಟ್ರೀಯ ಪಾವತಿ ಕಾರ್ಪೊರೇಷನ್ (ಎನ್ಪಿಸಿಐ) ಹೇಳಿದೆ. ಹೆಚ್ಚುವರಿ ತೆರಿಗೆ ವಿಚಾರ ಸುಳ್ಳು ಸುದ್ದಿ ಎಂದು ಟ್ವೀಟ್ ಮಾಡಿದೆ. ಪಿಐಬಿ ಕೂಡ ಇದೇ ಸ್ಪಷ್ಟನೆ ನೀಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.