ಕೊರೊನಾ ವೈರಸ್ ಕಾರಣದಿಂದ ಕೇಂದ್ರ ಸರ್ಕಾರವು ಸರಕು ಮತ್ತು ಸೇವಾ ತೆರಿಗೆಯ (ಜಿಎಸ್ಟಿ) ಆನ್ಲೈನ್ ಪರಿಶೀಲನೆ ಮತ್ತು ಮರುಪಾವತಿಯನ್ನು ಆರಂಭಿಸಿದೆ. ಜಿಎಸ್ಟಿ ಮರುಪಾವತಿಯನ್ನು ನಿರೀಕ್ಷಿಸುತ್ತಿರುವವರು ಈ ಕೆಳಕಾಣಿಸಿದ ಲಿಂಕ್ ಮೂಲಕ ವಿವರ ಪಡೆಯಬಹುದು ಎಂಬ ಸಂದೇಶವೊಂದು ಮೂರು ದಿನಗಳಿಂದ ಫೇಸ್ಬುಕ್ ಮತ್ತು ಟ್ವಿಟರ್ನಲ್ಲಿ ಹರಿದಾಡುತ್ತಿದೆ. ಜತೆಗೆ http://Onlinefilingindia.in ಎಂಬ ಲಿಂಕ್ ನೀಡಲಾಗಿದೆ.
ಇದೊಂದು ವಂಚನೆಯ ಜಾಲ. ಈ ಲಿಂಕ್ ಅನ್ನು ಯಾರೂ ಸಂಪರ್ಕಿಸಬಾರದು. ಜಿಎಸ್ಟಿ ಕುರಿತ ಯಾವುದೇ ಮಾಹಿತಿಗೆ ಅಧಿಕೃತ ವೆಬ್ಸೈಟ್ www.cbic.gov.in ಅಥವಾ www.gst.gov.inಅನ್ನು ಸಂಪರ್ಕಿಸಬೇಕು ಎಂದು ಪರೋಕ್ಷ ತೆರಿಗೆ ಮತ್ತು ಕಸ್ಟಮ್ಸ್ನ ಕೇಂದ್ರೀಯ ಮಂಡಳಿಯು (ಸಿಬಿಐಸಿ) ಟ್ವೀಟ್ ಮೂಲಕ ಮನವಿ ಮಾಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.