ಎಎಪಿ ಬೆಂಬಲಿಗನಲ್ಲ: ಅಮೀರ್ ಸ್ಪಷ್ಟನೆ

ಮುಂಬೈ(ಪಿಟಿಐ):  ಆಮ್ ಆದ್ಮಿ ಪಾರ್ಟಿ(ಎಎಪಿ) ಸೇರಿದಂತೆ ಯಾವುದೇ ರಾಜಕೀಯ ಪಕ್ಷಗಳಿಗೆ ತಾನು ಬೆಂಬಲ ನೀಡುವುದಿಲ್ಲ ಎಂಬುದನ್ನು ಬಾಲಿವುಡ್ ಚಿತ್ರನಟ ಅಮೀರ್ ಖಾನ್ ಚುನಾವಣಾ ಆಯೋಗಕ್ಕೆ ಪತ್ರ ಬರೆದು ಸ್ಪಷ್ಟವಾಗಿ ತಿಳಿಸಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಅಮೀರ್ ಎಎಪಿಯನ್ನು ಬೆಂಬಲಿಸುತ್ತಿದ್ದಾರೆ ಎಂಬ ಮಾಹಿತಿ ಹರಿದಾಡುತ್ತಿತ್ತು. 49 ವರ್ಷದ ‘ಧೂಮ್ 3’ರ ನಾಯಕ ತಮ್ಮನ್ನು ಬೆಂಬಲಿಸುತ್ತಿದ್ದಾರೆ ಎಂಬ ಟ್ವೀಟ್ ಸಂದೇಶ ಎಎಪಿಯ ಟ್ವಿಟ್ಟರ್‌ನಲ್ಲಿ  ಕಾಣಿಸಿಕೊಂಡಿತ್ತು. 

ಇದನ್ನೆಲ್ಲಾ ಗಮನಿಸಿದ ಅಮೀರ್ ತಾನು ಯಾವುದೇ ನಿರ್ದಿಷ್ಟ ರಾಜಕೀಯ ಪಕ್ಷದ ಪರವಾಗಿಲ್ಲವೆಂದು ಚುನಾವಣಾ ಆಯೋಗಕ್ಕೆ ಸ್ಪಷ್ಟ ಪಡಿಸಿದ್ದಾರೆ.