ಗ್ರಾಮಗಳು ತ್ಯಾಜ್ಯ, ಬಯಲುಶೌಚ ಮುಕ್ತ ಆಗದೆ ಉಚಿತ ಅಕ್ಕಿ ಇಲ್ಲ: ಕಿರಣ್‌ ಬೇಡಿ

ಪುದುಚೆರಿ: ಗ್ರಾಮಗಳು ತ್ಯಾಜ್ಯ, ಬಯಲುಶೌಚಮುಕ್ತ ಆಗದಿದ್ದರೆ ಉಚಿತ ಅಕ್ಕಿ ಪೂರೈಕೆ ಸ್ಥಗಿತಗೊಳಿಸುವ ಬಗ್ಗೆ ಪುದುಚೆರಿ ಲೆಫ್ಟಿನೆಂಟ್ ಗೌವರ್ನರ್ ಕಿರಣ್ ಬೇಡಿ ಟ್ವೀಟ್ ಮಾಡಿರುವುದಕ್ಕೆ ಆಕ್ಷೇಪ ವ್ಯಕ್ತವಾಗಿದೆ.

‘ತಮ್ಮ ವ್ಯಾಪ್ತಿಯ ಗ್ರಾಮಗಳು ತ್ಯಾಜ್ಯ, ಪ್ಲಾಸ್ಟಿಕ್ ಮತ್ತು ಬಯಲುಶೌಚ ಮುಕ್ತ ಎಂದು ಶಾಸಕರು, ಸ್ಥಳೀಯಾಡಳಿತ ಪ್ರಮಾಣೀಕರಿಸಿದರೆ ಮಾತ್ರ ಉಚಿತ ಅಕ್ಕಿ ಪೂರೈಕೆ ಮಾಡಲಾಗುವುದು. ಮುಖ್ಯವಾಗಿ ಗ್ರಾಮೀಣ ಪ್ರದೇಶಗಳಿಗೇ ಉಚಿತ ಅಕ್ಕಿ ಪೂರೈಕೆಯಾಗುತ್ತಿದ್ದು, ಬೆಳಿಗ್ಗೆಯ ಸುತ್ತಾಟದ ಸಂದರ್ಭ ಕಂಡು ಬಂದ ದೃಶ್ಯವಿದು’ ಎಂದು ತ್ಯಾಜ್ಯದ ರಾಶಿಗಳ ಚಿತ್ರವನ್ನು ಕಿರಣ್ ಬೇಡಿ ಟ್ವೀಟ್ ಮಾಡಿದ್ದಾರೆ. ಇದು ಚರ್ಚೆಗೆ ಗ್ರಾಸವಾಗಿದೆ.