ಮೌಲ್ಯಮಾಪನ ರದ್ದತಿಗೆ ಸರ್ಕಾರ ತಡೆ

ನವದೆಹಲಿ: ಹೈಕೋರ್ಟ್‌ಗಳ ಹೆಚ್ಚುವರಿ ನ್ಯಾಯಮೂರ್ತಿಗಳನ್ನು ಕಾಯಂ ನ್ಯಾಯಮೂರ್ತಿಗಳ ಹುದ್ದೆಗೆ ಶಿಫಾರಸು ಮಾಡುವ ಮುನ್ನ ಅವರ ಮೌಲ್ಯಮಾಪನ ನಡೆಸುವ ಪದ್ಧತಿಗೆ ಕೊನೆ ಹಾಡುವ ಕೊಲಿಜಿಯಂನ ನಿರ್ಧಾರಕ್ಕೆ ಕೇಂದ್ರ ತಡೆಯೊಡ್ಡಿದೆ.

‘ಮೌಲ್ಯಮಾಪನ ಪದ್ಧತಿಯನ್ನು ರದ್ದುಪಡಿಸುವ ಕೊಲಿಜಿಯಂನ ನಿರ್ಧಾರಕ್ಕೆ ನಮ್ಮ ಸಹಮತವಿಲ್ಲ ಎಂದು ಕಾನೂನು ಸಚಿವಾಲಯ ಕೊಲಿಜಿಯಂಗೆ ತಿಳಿಸಿದೆ. ಇದು ಕೊಲಿಜಿಯಂ ಮತ್ತು ಸರ್ಕಾರದ ಮಧ್ಯೆ ಮತ್ತೆ ಜಟಾಪಟಿಗೆ ಕಾರಣವಾಗಬಹುದು’ ಎಂದು ಕಾನೂನು ಸಚಿವಾಲಯದ ಮೂಲಗಳು ಹೇಳಿವೆ.