ರಾಜೀನಾಮೆ ಇಲ್ಲ: ಅಮರಿಂದರ್ ಸ್ಪಷ್ಟನೆ

ಚಂಡೀಗಡ (ಪಿಟಿಐ): ಪಂಜಾಬ್ ಚುನಾವಣೆಯಲ್ಲಿ ಕಾಂಗ್ರೆಸ್ ಹಿನ್ನಡೆ ಅನುಭವಿಸಿದ್ದರೂ ತಾವು ಮಾತ್ರ ತಮ್ಮ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸುವುದಿಲ್ಲ ಎಂದು ರಾಜ್ಯ ಕಾಂಗ್ರೆಸ್ ಅಧ್ಯಕ್ಷ ಅಮರಿಂದರ್ ಸಿಂಗ್ ಸ್ಪಷ್ಟಪಡಿಸಿದ್ದಾರೆ.

ಪಕ್ಷವನ್ನು ಜಯದತ್ತ ಕೊಂಡೊಯ್ದ ಬಳಿಕವಷ್ಟೇ ರಾಜೀನಾಮೆ ಸಲ್ಲಿಸುವ ಅಥವಾ ನಿವೃತ್ತರಾಗ ಬಯಸಿರುವುದಾಗಿ ಹೇಳಿದ್ದಾರೆ. `ಪಕ್ಷದ ಕಾರ್ಯಕರ್ತರು ಮತ್ತು ಬೆಂಬಲಿಗರು ಈಗಾಗಲೇ ನೋವಿನಲ್ಲಿದ್ದಾರೆ. ಅಂತಹುದೇ ಸ್ಥಿತಿ ಮುಂದುವರಿಯುವ ಆತಂಕ ಎದುರಿಸುತ್ತಿರುವ ಅವರನ್ನು ಈ ಸಂದರ್ಭದಲ್ಲಿ ನಾನು ಕೈಬಿಡಲಾರೆ~ ಎಂದಿದ್ದಾರೆ.

ಬಿಜೆಪಿ ಆಯ್ಕೆ: ಚುನ್ನಿ ಲಾಲ್ ಭಗತ್ ಅವರು ಶುಕ್ರವಾರ ಬಿಜೆಪಿ ಶಾಸಕಾಂಗ ಪಕ್ಷದ ಮುಖ್ಯಸ್ಥರಾಗಿ ಒಮ್ಮತದಿಂದ ಆಯ್ಕೆಯಾಗಿದ್ದಾರೆ.