ವಿದೇಶ ಪ್ರವಾಸ ವೆಚ್ಚ: ರಾಷ್ಟ್ರಪತಿ ಭವನ ಸಮರ್ಥನೆ

ನವದೆಹಲಿ (ಪಿಟಿಐ): ಪ್ರತಿಭಾ ಪಾಟೀಲ್ ಅವರು ವಿದೇಶ  ಪ್ರವಾಸಗಳಿಗೆ 205 ಕೋಟಿ ರೂಪಾಯಿ ಖರ್ಚು ಮಾಡಿರುವುದನ್ನು ಸಮರ್ಥಿಸಿಕೊಂಡಿರುವ ರಾಷ್ಟ್ರಪತಿ ಭವನವು `ಈ ವಿಷಯದಲ್ಲಿ ಹಿಂದಿನ ರಾಷ್ಟ್ರಪತಿಗಳ ಜತೆ ಹೋಲಿಕೆ ಅಪ್ರಸ್ತುತ~ ಎಂದು ಸೋಮವಾರ ಹೇಳಿದೆ.

ದೇಶದ ಚಿತ್ರಣ ಬದಲಾಗಿದೆ. ಹಾಗಾಗಿ ರಾಷ್ಟ್ರಪತಿ ಅನೇಕ ಬಾರಿ ವಿದೇಶ ಪ್ರವಾಸ ಮಾಡಬೇಕಾಗುತ್ತದೆ. ವಿದೇಶಿ ಗಣ್ಯ ವ್ಯಕ್ತಿಗಳು ಭಾರತಕ್ಕೆ ಭೇಟಿ ನೀಡುವುದೂ ಹೆಚ್ಚುತ್ತಿದೆ. ಆದ್ದರಿಂದ ಪ್ರವಾಸದ ಖರ್ಚನ್ನು ಅಳೆಯುವುದು ಸರಿಯಲ್ಲ ಎಂದು ಹೇಳಿದೆ.