ವಿಮಾನ ನಿಲ್ದಾಣದಲ್ಲಿ ಬೆಂಕಿ ಆಕಸ್ಮಿಕ

ನವದೆಹಲಿ (ಐಎಎನ್‌ಎಸ್): ಇಲ್ಲಿನ ಇಂದಿರಾಗಾಂಧಿ ಅಂತರರಾಷ್ಟೀಯ ವಿಮಾನ ನಿಲ್ದಾಣದಲ್ಲಿ ಗುರುವಾರ ಸಂಭವಿಸಿದ ಅಗ್ನಿ ಆಕಸ್ಮಿಕ ಆತಂಕಕ್ಕೆ ಎಡೆಕೊಟ್ಟಿತ್ತು.

ಕಾರ್ಗೊ ಟರ್ಮಿನಲ್ಸ್‌ನಲ್ಲಿ ಮಧ್ಯಾಹ್ನ 12.45ರ ಸುಮಾರಿಗೆ ಬೆಂಕಿ ಹೊತ್ತಿ ಉರಿಯತೊಡಗಿದ್ದು, ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಲು ಯತ್ನಿಸುತ್ತಿರುವಾಗಲೇ ಅದು ಕಟ್ಟಡದ ಮೊದಲ ಅಂತಸ್ತಿಗೂ ವ್ಯಾಪಿಸಿತ್ತು. ಅದರ ಪಕ್ಕದಲ್ಲಿಯೇ `ಏರ್ ಟ್ರಾಫಿಕ್ ಕಂಟ್ರೋಲ್~ ಕಟ್ಟಡವಿದ್ದು, ಅದರಲ್ಲಿ ಸುಮಾರು 20ದೇಶಗಳ ವಿಮಾನ ಯಾನ ಸಂಸ್ಥೆಗಳ ಕಚೇರಿಗಳಿದ್ದವು. ಕೊನೆಗೂ 4.30ರ ಸುಮಾರಿಗೆ ಬೆಂಕಿಯನ್ನು ಸಂಪೂರ್ಣವಾಗಿ ನಂದಿಸಲು ಸಾಧ್ಯವಾಯಿತು. ಅಪಾರ ಪ್ರಮಾಣದ ನಷ್ಟ ಉಂಟಾಗಿದೆ ಎನ್ನಲಾಗಿದೆ.