ಹಿಮಕುಸಿತ: ಗಡಿ ಬೇಲಿಗೆ ತೀವ್ರ ಹಾನಿ

ಶ್ರೀನಗರ (ಪಿಟಿಐ):  ಕಾಶ್ಮೀರದಲ್ಲಿ ಸತತವಾಗಿ ಸಂಭವಿಸಿದ ಹಿಮಕುಸಿತಗಳಿಂದಾಗಿ ಕಾಶ್ಮೀರ ಕಣಿವೆಯ ಗಡಿ ನಿಯಂತ್ರಣ ರೇಖೆಯುದ್ದಕ್ಕೂ ಅಳವಡಿಸಲಾಗಿರುವ  ತಡೆ ಬೇಲಿಗೆ ತೀವ್ರ ಹಾನಿಯಾಗಿದ್ದು, ಉಗ್ರರು ದೇಶದ ಗಡಿಯೊಳಕ್ಕೆ ನುಸುಳುವ ಸಾಧ್ಯತೆ ಬಗ್ಗೆ ಎಚ್ಚರ ವಹಿಸಬೇಕಿದೆ ಎಂದು ಶನಿವಾರ ಸೇನೆ ತಿಳಿಸಿದೆ.

ಈ ಮಧ್ಯೆ, ಕಣಿವೆಯಲ್ಲಿ ಮತ್ತಷ್ಟು ಹಿಮಕುಸಿತ ಸಂಭವಿಸುವ ಸಾಧ್ಯತೆ ಇರುವುದರಿಂದ ಗಡಿ ನಿಯಂತ್ರಣ ರೇಖೆಯಲ್ಲಿ ಕೆಲವು ಸೇನಾ  ನೆಲೆಗಳನ್ನು ಸ್ಥಗಿತಗೊಳಿಸಲು ಸೇನೆ ಚಿಂತನೆ ನಡೆಸಿದೆ.