24 ಮೀನುಗಾರರನ್ನು ಬಿಡುಗಡೆ ಮಾಡಿದ ಶ್ರೀಲಂಕಾ

ರಾಮೇಶ್ವರಂ(ಪಿಟಿಐ): ಭಾರತ ಮತ್ತು ಶ್ರೀಲಂಕಾದ ನಡುವೆ ಇರುವ ಮೀನು­ಗಾರರ ಸಮಸ್ಯೆಯನ್ನು ಇತ್ಯರ್ಥಗೊಳಿಸ­ಬೇಕು ಎಂದು ಚರ್ಚೆ ನಡೆಯುತ್ತಿರುವ ವೇಳೆ ಶ್ರೀಲಂಕಾದ ನ್ಯಾಯಾಲಯ­ವೊಂದು 116 ಮೀನು­­ಗಾರರನ್ನು ಬಿಡುಗಡೆ ಮಾಡಿದ ಒಂದು ದಿನದ ನಂತರ ಶ್ರೀಲಂಕಾದ ಮನ್ನಾರ್‌ ನ್ಯಾಯಾ­ಲಯ ಭಾರತದ 24 ಮೀನುಗಾ­ರರನ್ನು ಗುರುವಾರ ಬಿಡುಗಡೆ ಮಾಡಿದೆ.

ವಿಶ್ವ ಕಡಲ ಗಡಿಯನ್ನು ಅಕ್ರಮ­ವಾಗಿ ದಾಟಿದ ಆರೋಪದ ಮೇಲೆ ಶ್ರೀಲಂಕಾ ನೌಕಾ ಸೇನೆಯವರು ಮೀನುಗಾರ­ರನ್ನು ಬಂಧಿಸಿದ್ದರು.
‘ಶ್ರೀಲಂಕಾದ ಜೈಲುಗಳಲ್ಲಿ ಬಂಧಿತ­ವಾಗಿರುವ 32 ಭಾರತೀಯ ಮೀನು­ಗಾರ­ರನ್ನು ಬಿಡುಗಡೆ ಮಾಡಬೇಕಿದೆ’ ಎಂದು ಅಧಿಕಾರಿ ಮೂಲಗಳು ತಿಳಿಸಿವೆ.