ಗುವಾಹಟಿಯಲ್ಲಿ ವಿಪರೀತ ಮಳೆ: ಭೂಕುಸಿತದಿಂದ ನಾಲ್ವರ ಸಾವು

ಗುವಾಹಟಿ: ವಿಪರೀತ ಮಳೆಯಿಂದಾಗಿ ಗುವಾಹಟಿಯಲ್ಲಿ ಭಾರಿ ಭೂಕುಸಿತ ಸಂಭವಿಸಿದ್ದು, ಘಟನೆಯಲ್ಲಿ ನಾಲ್ಕು ಮಂದಿ ಮೃತಪಟ್ಟಿದ್ದಾರೆ. ನಗರದಾದ್ಯಂತ ಪ್ರವಾಹ ಉಂಟಾಗಿದೆ ಎಂದು ಅಸ್ಸಾಂನ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದ (ಎಎಸ್‌ಡಿಎಂಎ) ಕೌಸ್ತವ್‌ ತಾಲುಕ್‌ದಾರ್‌ ಮಂಗಳವಾರ ತಿಳಿಸಿದ್ದಾರೆ.‌

‘ಬೊರಾಗಾಂವ್‌ ಪ್ರದೇಶದ ನಿಜಾರಪಾರ್ನಲ್ಲಿ ಬೆಟ್ಟದ ಬಳಿಯ ಮನೆಯೊಂದರ ಮೇಲೆ ಮಧ್ಯಾಹ್ನ ಸುಮಾರು 1 ಗಂಟೆಯ ಹೊತ್ತಿಗೆ ಭೂಕುಸಿತ ಸಂಭವಿಸಿ, ಮನೆಯಲ್ಲಿದ್ದ ನಾಲ್ಕು ಮಂದಿ ಸಾವಿಗೀಡಾಗಿದ್ದಾರೆ’ ಎಂದು ಅವರು ಹೇಳಿದರು.

ಮಂಗಳವಾರ ಮೃತಪಟ್ಟ ನಾಲ್ವರು ಮಂದಿ ಸೇರಿದಂತೆ, ಈ ವರ್ಷ ಭೂಕುಸಿತದಲ್ಲಿ ಮೃತಪಟ್ಟವರ ಸಂಖ್ಯೆ 42ಕ್ಕೆ ಏರಿದೆ.