ನಟ ಸೋನು ಸೂದ್‌ ಪತ್ನಿ ಕಾರು ಅಪಘಾತ

ಮುಂಬೈ: ನಟ ಸೋನು ಸೂದ್‌ ಪತ್ನಿ ಸೊನಾಲಿ ಸೂದ್‌ ಮತ್ತು ನಾದಿನಿ ಸುನಿತಾ ಅವರು ಪ್ರಯಾಣಿಸುತ್ತಿದ್ದ ಕಾರು ಅಪಘಾತಕ್ಕೀಡಾಗಿದೆ. 

ನಾಗ್ಪುರದ ವಾರ್ಧಾ ರಸ್ತೆಯ ಫ್ಲೈಓವರ್‌ ಬಳಿ ಕಾರಿಗೆ ಟ್ರಕ್ ಬಂದು ಗುದ್ದಿದ ಪರಿಣಾಮ ಕಾರಿನ ಮುಂಭಾಗ ಜಖಂಗೊಂಡಿದೆ. ಸೋಮವಾರ ರಾತ್ರಿ 10.30ರ ಹೊತ್ತಿಗೆ ಘಟನೆ ನಡೆದಿದೆ. ಇಬ್ಬರಿಗೂ ಗಂಭೀರ ಗಾಯಗಳಾಗಿದ್ದು, ನಾಗ್ಪುರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಎಎನ್‌ಐ ವರದಿ ತಿಳಿಸಿದೆ.

ಆಸ್ಪತ್ರೆಗೆ ಭೇಟಿ ನೀಡಿದ ಬಳಿಕ ಪತ್ನಿಯ ಆರೋಗ್ಯದ ಬಗ್ಗೆ ಮಾಹಿತಿ ನೀಡಿರುವ ಸೋನು ಸೂದ್‌, ‘ಸೊನಾಲಿ ಆರೋಗ್ಯ ಸ್ಥಿರವಾಗಿದೆ. ಪವಾಡದಂತೆ ಅವರು ಅಪಾಯದಿಂದ ಪಾರಾಗಿದ್ದಾರೆ’ ಎಂದು ಹೇಳಿರುವುದಾಗಿ ವರದಿ ತಿಳಿಸಿದೆ.