ಏರ್‌ ಇಂಡಿಯಾದ 5 ಪೈಲೆಟ್‌ಗಳಿಗೆ ಸೋಂಕು ಧೃಢ

ಮುಂಬೈ: ಏರ್‌ ಇಂಡಿಯಾದ ಐವರು ಪೈಲೆಟ್ ಹಾಗೂ ಎಐಇಎಸ್‌ಎ (ಏರ್‌ ಇಂಡಿಯಾ ಎಂಜಿನಿಯರಿಂಗ್‌ ಸರ್ವಿಸ್‌ ಲಿಮಿಟೆಡ್)ನ ಇಬ್ಬರು ಸಿಬ್ಬಂದಿಯಲ್ಲಿ ಕೊರೊನಾ ಸೋಂಕು ಇರುವುದು ಧೃಢಪಟ್ಟಿದೆ ಎಂದು ಮೂಲಗಳಿಂದ ತಿಳಿದುಬಂದಿದೆ.

‘ದೇಶದಲ್ಲಿ ಸಿಲುಕಿರುವ ಭಾರತೀಯರನ್ನು ಏರ್‌ ಇಂಡಿಯಾದ ಮೂಲಕ ವಾಪಾಸು ಕರೆತರಲಾಗುತ್ತಿದೆ. ಇದಕ್ಕೂ ಮುನ್ನ ಏರ್‌ಇಂಡಿಯಾ ಪೈಲೆಟ್‌ಗಳಿಗೆ ನಡೆಸಲಾದ ಪರೀಕ್ಷೆಯಲ್ಲಿ ಐವರಿಗೆ ಕೊರೊನಾ ಸೋಂಕು ತಗುಲಿರುವುದು ಧೃಢಪಟ್ಟಿದೆ. ಆದರೆ, ಪರೀಕ್ಷೆಗೆ ಉಪಯೋಗಿಸಿದ ಕಿಟ್ ದೋಷಪೂರಿತವಾಗಿರುವ ಸಾಧ್ಯತೆಯೂ ಇದೆ’ ಎಂದು ಮೂಲಗಳು ತಿಳಿಸಿವೆ.