ಹೆಲಿಕಾಪ್ಟರ್‌ ಪತನ; ಪೈಲಟ್‌ಗಳ ಸಾವು

ನವದೆಹಲಿ: ಭಾರತೀಯ ಸೇನೆಯ ಚೀತಾ ಹೆಲಿಕಾಪ್ಟರ್‌ ಶುಕ್ರವಾರ ಮಧ್ಯಾಹ್ನ ಭೂತಾನ್‌ನ ಪೂರ್ವಭಾಗದಲ್ಲಿ ನೆಲಕ್ಕುರುಳಿದ್ದು, ಇಬ್ಬರೂ ಪೈಲಟ್‌ಗಳು ಮೃತಪಟ್ಟಿದ್ದಾರೆ.

ಒಂದೇ ಎಂಜಿನ್‌ನ ಈ ಹೆಲಿಕಾಪ್ಟರ್‌ ಅರುಣಾಚಲ ಪ್ರದೇಶದ ಕಿರ್ಮುವಿನಿಂದ ಭೂತಾನ್‌ನ ಯೊನ್‌ಫುಲಕ್ಕೆ ತೆರಳುತ್ತಿದ್ದು, ಮಧ್ಯಾಹ್ನ 1 ಗಂಟೆ ವೇಳೆಗೆ ಸಂಪರ್ಕವನ್ನು ಕಡಿದುಕೊಂಡಿತು.

ಭಾರತೀಯ ಸೇನೆಯ ಒಬ್ಬರು, ರಾಯಲ್ ಭೂತಾನ್‌ ಸೇನೆಯ ಇನ್ನೊಬ್ಬ ಪೈಲಟ್‌ ಮೃತಪಟ್ಟಿದ್ದಾರೆ. ಸಂಪರ್ಕ ಕಡಿತವಾದ ಹಿಂದೆಯೇ ಹುಡುಕಾಟ ಆರಂಭವಾಗಿದ್ದು, ಅವಶೇಷಗಳು ಯೊನ್‌ಫುಲದಲ್ಲಿ ಪತ್ತೆಯಾಯಿತು ಎಂದು ಅಧಿಕಾರಿ ಮೂಲಗಳು ತಿಳಿಸಿವೆ.