ಪಂಜಾಬ್ ಪೊಲೀಸ್ ಠಾಣೆ ಮೇಲೆ ಗ್ರೆನೇಡ್ ದಾಳಿ ಪ್ರಕರಣ: ಬಬ್ಬರ್ ಖಾಲ್ಸಾ ಸದಸ್ಯ ಸೆರೆ

ನವದೆಹಲಿ: ನಿಷೇಧಿತ ಬಬ್ಬರ್‌ ಖಾಲ್ಸಾ ಸಂಘಟನೆಯ ಸದಸ್ಯನನ್ನು ದೆಹಲಿ ವಿಶೇಷ ಪೊಲೀಸ್ ಪಡೆ ಬುಧವಾರ ಬಂಧಿಸಿದೆ.

ಆಕಾಶ್‌ದೀಪ್‌ ಬಂಧಿತ ವ್ಯಕ್ತಿ.

ಪಂಜಾಬ್‌ನ ಬಟಾಲಾದ ಕಿಲಾ ಲಾಲ್‌ ಸಿಂಗ್‌ ಪೊಲೀಸ್‌ ಠಾಣೆ ಮೇಲೆ ಏಪ್ರಿಲ್‌ 7ರಂದು ನಡೆದ ಗ್ರೆನೇಡ್‌ ದಾಳಿ ಹಾಗೂ ದೆಹಲಿಯಲ್ಲಿ ಅಪರಾಧಿಗಳಿಗೆ ಶಸ್ತ್ರಾಸ್ತ್ರ ಪೂರೈಕೆ ಸೇರಿದಂತೆ ವಿವಿಧ ಪ್ರಕರಣಗಳಲ್ಲಿ ಈತನನ್ನು ಹುಡುಕಲಾಗುತ್ತಿತ್ತು ಎಂದು ಮೂಲಗಳು ತಿಳಿಸಿವೆ.