‘ಕನ್ಯೆ ಬೇಡ, ಅವಿವಾಹಿತೆ ಪದ ಬಳಸಿ’: ಬಾಂಗ್ಲಾ

ಢಾಕಾ: ‘ಮುಸ್ಲಿಂ ವಿವಾಹ ಪ್ರಮಾಣಪತ್ರಗಳಿಂದ ‘ಕನ್ಯೆ’ ಪದ ತೆಗೆಯಬೇಕು’ ಎಂದು ಬಾಂಗ್ಲಾದೇಶದ ಸರ್ವೋಚ್ಛ ನ್ಯಾಯಾಲಯ ಸೂಚಿಸಿದೆ.

ಉಲ್ಲೇಖಿತ ಪದ ಬಳಕೆಯು ಅಪಮಾನಕರವಾದುದು ಮತ್ತು ತಾರತಮ್ಯದಿಂದ ಕೂಡಿದ್ದಾಗಿದೆ ಎಂದು ಪ್ರತಿಪಾದಿಸಿದ್ದ ಹೋರಾಟಗಾರರು ಇದನ್ನು ಕೋರ್ಟ್‌ನಲ್ಲಿ ಪ್ರಶ್ನಿಸಿದ್ದರು.

ದಕ್ಷಿಣ ಏಷ್ಯಾ ರಾಷ್ಟ್ರಗಳ ಮುಸ್ಲಿಂ ವಿವಾಹ ಕಾಯ್ದೆ ಅನುಸಾರ ವಧು ಪ್ರಮಾಣಪತ್ರವನ್ನು ಪಡೆಯಲು ಮೂರು ಅಂಶಗಳ ಪೈಕಿ –ಕನ್ಯೆ, ವಿಧವೆ ಅಥವಾ ವಿಚ್ಛೇದಿತೆ–ಒಂದನ್ನು ಆಯ್ಕೆ ಮಾಡಬೇಕಿತ್ತು.

ತನ್ನ ಸಂಕ್ಷಿಪ್ತ ಅದೇಶದಲ್ಲಿ ಕೋರ್ಟ್‌, ‘ಕನ್ಯೆ’ ಪದಕ್ಕೆ ಬದಲಾಗಿ ‘ಅವಿವಾಹಿತೆ’ ಪದವನ್ನು ಬಳಸಬೇಕು ಎಂದು ಆದೇಶಿಸಿದೆ.