ಉಗ್ರರಿಂದ ಬಿಜೆಪಿ ನಾಯಕನ ಹತ್ಯೆ

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಅನಂತ್‌ನಾಗ್ ಜಿಲ್ಲಾ ಬಿಜೆಪಿ ಘಟಕದ ಉಪಾಧ್ಯಕ್ಷ ಗುಲ್‌ ಮೊಹಮ್ಮದ್‌ ಮಿರ್‌ ಅವರ ಮೇಲೆ ಉಗ್ರರು ಗುಂಡಿನ ದಾಳಿ ನಡೆಸಿ ಹತ್ಯೆ ಮಾಡಿದ್ದಾರೆ.

ಅನಂತ್‌ನಾಗ್ ಜಿಲ್ಲೆಯ ನೌಗಾಮ್‌ ವೆರಿನಾಗ್‌ನಲ್ಲಿರುವ ಗುಲ್‌ ಅವರ ಮನೆಗೆ ಶನಿವಾರ ರಾತ್ರಿ ಮೂವರು ಉಗ್ರರು ಬಂದು ಕಾರಿನ ಕೀ ಪಡೆದುಕೊಂಡಿದ್ದಾರೆ. ನಂತರ ಮಿರ್ ಅವರ ಮೇಲೆ ಗುಂಡು ಹಾರಿಸಿದ್ದಾರೆ. ಮಿರ್ ಅವರನ್ನು ಆಸ್ಪತ್ರೆಗೆ ಸಾಗಿಸಿದರೂ ಬದುಕುಳಿಯಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಭಾಗದಲ್ಲಿ ಮಿರ್‌ ಅವರು ‘ಅಟಲ್‌’ ಎಂದೇ ಖ್ಯಾತರಾಗಿದ್ದರು.