‘ಸಮಗ್ರ ಶಿಕ್ಷಣ ಯೋಜನೆ’: 5 ವರ್ಷ ಮುಂದುವರಿಕೆಗೆ ಕೇಂದ್ರ ಸಂಪುಟ ಅಸ್ತು

ನವದೆಹಲಿ: ‘ಸಮಗ್ರ ಶಿಕ್ಷಣ ಯೋಜನೆ’ಯನ್ನು ಮತ್ತೆ ಐದು ವರ್ಷಗಳ ಅವಧಿಗೆ ಮುಂದುವರಿಸುವುದಕ್ಕೆ ಕೇಂದ್ರ ಸಚಿವ ಸಂಪುಟ ಬುಧವಾರ ಅನುಮೋದನೆ ನೀಡಿತು.

‘ಈ ಯೋಜನೆ ಕಳೆದ ಏಪ್ರಿಲ್‌ 1ರಿಂದ 2026ರ ಮಾರ್ಚ್‌ 31ರ ವರೆಗೆ ಜಾರಿಯಲ್ಲಿರುವುದು. ಯೋಜನೆಯನ್ನು ‘ಸಮಗ್ರ ಶಿಕ್ಷಣ ಯೋಜನೆ–2’ ಎಂಬುದಾಗಿ ಕರೆಯಲಾಗುವುದು’ ಎಂದು ಸಚಿವರಾದ ಧರ್ಮೇಂದ್ರ ಪ್ರಧಾನ್ ಹಾಗೂ ಅನುರಾಗ್‌ ಠಾಕೂರ್‌ ತಿಳಿಸಿದರು.

ಯೋಜನಾ ಗಾತ್ರ ₹ 2,94,283.04 ಕೋಟಿ ಇದ್ದು, ಇದರಲ್ಲಿ ಕೇಂದ್ರ ಪಾಲು ₹ 1,85,398.32 ಕೋಟಿ ಇದೆ.

ದೇಶದಲ್ಲಿರುವ ಸರ್ಕಾರಿ ಮತ್ತು ಅನುದಾನಿತ ಒಟ್ಟು 11.60 ಲಕ್ಷ ಶಾಲೆಗಳು, 57 ಲಕ್ಷ ಶಿಕ್ಷಕರು ಹಾಗೂ 15.6 ಕೋಟಿ ವಿದ್ಯಾರ್ಥಿಗಳು ಈ ಯೋಜನೆಯ ಲಾಭ ಪಡೆಯಲಿದ್ದು, ಉತ್ತಮ ಶಿಕ್ಷಣ ಹಾಗೂ ಕೌಶಲ ಅಭಿವೃದ್ಧಿ ಗುರಿ ಹೊಂದಿದೆ ಎಂದು ಕೇಂದ್ರ ಶಿ್ಕ್ಷಣ ಸಚಿವಾಲಯ ಟ್ವಿಟರ್‌ನಲ್ಲಿ ತಿಳಿಸಿದೆ.