ಮುಂಬೈ: 53 ಪತ್ರಕರ್ತರಿಗೆ ಸೋಂಕು ದೃಢ

ಮುಂಬೈ: 53 ಮಂದಿ ಪತ್ರಕರ್ತರಿಗೆ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ.

ಕೋವಿಡ್‌ ಪರೀಕ್ಷೆಗಾಗಿ ಆಜಾದ್‌ ಮೈದಾನದಲ್ಲಿ ವಿಶೇಷ ಶಿಬಿರ ಆಯೋಜಿಸಲಾಗಿತ್ತು. ಈ ಸಂದರ್ಭದಲ್ಲಿ 171 ಮಂದಿ ಪತ್ರಕರ್ತರಗಂಟಲು ದ್ರವವನ್ನು ಸಂಗ್ರಹಿಸಿ ಪರೀಕ್ಷೆಗೆ ಕಳುಹಿಸಲಾಗಿತ್ತು. ಇದರಲ್ಲಿ 53 ಮಂದಿಗೆ ಸೋಂಕು ಇರುವುದು ದೃಢಪಟ್ಟಿದೆ. ಇವರಲ್ಲಿ ಮುದ್ರಣ, ಟಿ.ವಿ.ಮಾಧ್ಯಮದ ಪತ್ರಕರ್ತರು, ಕ್ಯಾಮೆರಾಮನ್‌, ಛಾಯಾಗ್ರಾಹಕರು ಇದ್ದಾರೆ.

ಸೋಂಕಿತರಿಗೆ ಪ್ರತ್ಯೇಕವಾಗಿರುವಂತೆ ತಿಳಿಸಲಾಗಿದ್ದು,ಇವರ ಸಂಪರ್ಕಕ್ಕೆ ಬಂದವರ ಬಗ್ಗೆಯೂ ಮಾಹಿತಿ ಕಲೆ ಹಾಕಲಾಗುತ್ತಿದೆ ಎಂದು ಮುಂಬೈ ಮಹಾನಗರ ಪಾಲಿಕೆಯು ಹೇಳಿದೆ.