Covid-19 India Update: 42,909 ಹೊಸ ಪ್ರಕರಣ, 380 ಸಾವು

ನವದೆಹಲಿ: ದೇಶದಾದ್ಯಂತ ಸೋಮವಾರ ಬೆಳಿಗ್ಗೆ ಕೊನೆಗೊಂಡ 24 ಗಂಟೆ ಅವಧಿಯಲ್ಲಿ 42,909 ಕೋವಿಡ್ ಪ್ರಕರಣಗಳು ದೃಢಪಟ್ಟಿವೆ. 380 ಮಂದಿ ಸೋಂಕಿತರು ಮತಪಟ್ಟಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.

34,763 ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಸದ್ಯ ದೇಶದಲ್ಲಿ 3,76,324 ಸಕ್ರಿಯ ಪ್ರಕರಣಗಳಿವೆ.

ಕೇರಳದಲ್ಲಿ ಹೊಸದಾಗಿ ಸೋಂಕಿತರಾಗುತ್ತಿರುವವರ ಸಂಖ್ಯೆಯಲ್ಲಿ ಹೆಚ್ಚಳ ಮುಂದುವರಿದಿದೆ. ಅಲ್ಲಿ 24 ಗಂಟೆ ಅವಧಿಯಲ್ಲಿ 29,836 ಪ್ರಕರಣಗಳು ದೃಢಪಟ್ಟಿದ್ದು, 75 ಸಾವು ವರದಿಯಾಗಿದೆ.

ಓದಿ:ಕೋವಿಡ್‌ ಆತಂಕ: ಗಣೇಶೋತ್ಸವ, ಪ್ರಾಥಮಿಕ ಶಾಲೆ ಆರಂಭ ಇಂದು ನಿರ್ಧಾರ

ದೇಶದಲ್ಲಿ ಕೋವಿಡ್‌ನಿಂದ ಸಂಭವಿಸುವ ಸಾವಿನ ಪ್ರಮಾಣ ಸದ್ಯ ಶೇ 1.34ರಷ್ಟಿದೆ. ಈವರೆಗೆ 4,38,210 ಸೋಂಕಿತರು ಅಸುನೀಗಿದ್ದಾರೆ.

ದೇಶದಾದ್ಯಂತ ಈವರೆಗೆ 63.43 ಕೋಟಿ ಡೋಸ್ ಕೋವಿಡ್ ಲಸಿಕೆ ನೀಡಲಾಗಿದೆ.