Delhi Air Pollution | 50 ದಿನಗಳ ಬಳಿಕ ಸುಧಾರಿಸಿದ ಗಾಳಿಯ ಗುಣಮಟ್ಟ

ನವದೆಹಲಿ: ಬರೋಬ್ಬರಿ 50 ದಿನಗಳ ಬಳಿಕ ರಾಷ್ಟ್ರ ರಾಜಧಾನಿ ದೆಹಲಿ ವಾತಾವರಣ ಸುಧಾರಿಸಿದೆ. ಬುಧವಾರ ಸಂಜೆ 4 ಗಂಟೆಯ ಹೊತ್ತಿಗೆ ಗಾಳಿಯ ಸೂಚ್ಯಂಕ (ಎಕ್ಯೂಐ) 178ಕ್ಕೆ ತಲುಪಿದೆ. 

ಈ ಕುರಿತು ಮಾಹಿತಿ ನೀಡಿರುವ ಹವಾಮಾನ ಇಲಾಖೆ, ಬುಧವಾರ ನಗರದಲ್ಲಿ ಈ ಹಿಂದಿನ ದಿನಗಳಿಗೆ ಹೋಲಿಸಿದರೆ ಗಾಳಿಯ ಗುಣಮಟ್ಟ ಉತ್ತಮವಾಗಿದೆ. ಡಿ.7ರವರೆಗೂ ಇದೇ ರೀತಿಯವ ವಾತಾವರಣ ಇರಲಿದೆ ಎಂದು ಹೇಳಿದೆ.

ಹಗಲಿನಲ್ಲಿ ಶುದ್ಧಗಾಳಿಯೊಂದಿಗೆ ತಾಪಮಾನ 28 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿದೆ. ಕನಿಷ್ಠ ತಾಪಮಾನ 12.5 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿದ್ದು, ಆದ್ರತೆ ಪ್ರಮಾಣ ಶೇ 66 ಮತ್ತು ಶೇ 44ರ ನಡುವೆ ಬದಲಾವಣೆಯಾಗುತ್ತಿದೆ. 

ಗುರುವಾರ ಮೋಡ ಮುಸುಕಿದ ವಾತಾವರಣ ಇರಲಿದ್ದು ಗರಿಷ್ಠ 26 ಮತ್ತು ಕನಿಷ್ಠ 10 ಡಿಗ್ರಿ ಸೆಲ್ಸಿಯಸ್‌ ತಾಪಮಾನ ಇರಲಿದೆ ಇಲಾಖೆ ಮಾಹಿತಿ ನೀಡಿದೆ.